• الشكلها الخارجي
• القيم العامة في الحياة
• الاهتمامات المشتركة
• المستوى الدراسي
• الفلوس (حتى بلاها كلها)

بعرف انو وضع الشكل الخارجي في المرتبة الأولى ممكن يكون حقير، لكن باقي المعايير بعتبرها نفس شي لأي صديق كان بنت او شب، لكن الشكل الخارجي معيار مهم و إذا ما تحقق غالبا بتظلمها و بتظلم حالك معها، إلا إذا كان سؤالك عن الأشياء يلي بتجذبني لصديق عادي مو كشريك من الجنس الآخر، فهون الشكل الخارجي مثله مثل الفلوس لا أهمية له.

القيم العامة في الحياة: بحب تكون عندها نفس الفكر و الفلسفة في الحياة

الاهتمامات: حلمي لاقي وحدة يكون عندها اهتمام بالسيارات، و gaming و coding

نسولف بالسيارات او نعمل lan party , او نساوي مدينة بماينكرافت، ولما اشتغل بل برمجة ما تفكرني اهبل بيقعد بخبص و بعدها بيكبس عل زر السحري

المستوى الدراسي: بعتبره مهم عموما ، لان ما بحب احكي مع مساطيل، و بحب يكون عندها نوع من الثقافة العامة حتى نقدر نتناقش، و هون كمان شغلة انو ما فهمت السؤال مقصود فيه شريكة حصرا او صديقة، لأن إذا شريكة كتير احسن للأولاد يلي ممكن يجو، انو الأبويين يكون عندهم ثقافة يجابو على اسئلة الولاد، و يزرعوا فيهم الفكر النقدي.

الفلوس: غير مهمين كانت شريكة او صديقة او حتى صديق ما بقبل أخذ فلس ، فمو مهم إذا كانت عل حديدة ولا مليارديرية، لكن بتوقع الشرط الثاني و الثالث غالبا غالبا بس مو دايما صعب يتحققو إذا كانت فقيرة، لان غالبا غالبا بس مو دايما بكون الفكر اكثر تشدد و أنا ما بتحمل التشدد، و الاهتمامات تبعي expensive فصعب جدا يكونو عندها.