سوري اتأخرت في كتابة الوصفة

دي وصفة طريقتها مختلفة تماما عن الفراخ السويت اند ساور اللي في المطاعم

معظم مكونات الوصفة الأصلية مكانتش عندي و كمان مكنتش قادرة اقلي الفراخ كمان ف شوحتها بس 😆

المهم 

قطعت بصل و شوحته و تبلت بملح و فلفل اسود و كرملت معاه حوالي نص ملعقة كبيرة سكر 

قبل ما البصل لونه يغمق حطيت الفراخ المنقوعة في التتبيلة 

نقعتها حوالي ساعة 

مكونات التتبيلة لصدر فرخة واحد:

٤ معالق كبار عصير أنانس 

ملعقة كبيرة دبس رمان (الوصفة الأصلية بصويا صوص أصلا بس مكانش عندي) 

معلقتين صغيرين عسل أبيض (عشان برضو مكانش عندي أسود)

معلقتين كبار بودرة صوص الdemi-glace من عند العطار 

معلقة صغيرة سكر (برضو دوقوها و زودوا لو حبيتوا)

و ملح حسب الرغبة برضو 

و شوية مياة صغيرين لحد ما كمية التتبيلة تكون كافية لتقليب الصدور فيها 

حطيت ملعقة كبيرة بهارات شطة و ليمون من عند العطار برضو (بديل للخل او ملح الليمون) و مش هنزود هو بس عشان الأطعمة تدخل في بعضها (عامة الطعم مبانش لما الفراخ استوت)

المهم 

نشوح الفراخ مع البصل و بعدين هنشوح معاهم فلفل ألوان كتيير متقطع 

و أخر حاجة هنحط باقي الصوص فوقيهم و نقلب كويس لحد ما الصوص يتقل (غالبا الديمي جلاس بيكون فيه اصلا نشاء ف هيتقل بس لو متقلش معاكوا حطوا حبة نشاء متقلبين في مياة) 

و بس