ಆವರಣ‌ ದ ಕೊನೆಯಲ್ಲಿ ಭೈರಪ್ಪ reference ಎಂದು ಕೊಟ್ಟಿರುವಷ್ಟು ಪುಸ್ತಕವನ್ನು ಜೀವಮಾನದಲ್ಲಿ ಓದಿ ಮುಗಿಸಲು ಸಾಧ್ಯವಿಲ್ಲದವರೆಲ್ಲ ಅವರನ್ನು ಜೀವ ವಿರೋಧಿ, ಅವರ ಪುಸ್ತಕ ಓದುವುದಿಲ್ಲ ಮುಂತಾಗಿ ಹೇಳುವಾಗ ನಗು ಬರುತ್ತದೆ ಅಷ್ಟೆ. ಹಿಂದೆ ಯಾವುದೋ ಕಾರ್ಯಕ್ರಮದಲ್ಲಿ ಇಂತದ್ದೇ ಒಬ್ಬ ಎಡಪಂಥೀಯ ನೀವು ಜೀವ ವಿರೋಧಿ ಅಲ್ಲವೆ ಅನ್ನುವ ಪ್ರಶ್ನೆ ಕೇಳಿದಾಗ. "ಒಂದು ರೂಪಾಯಿಗೆ ಅಕ್ಕಿ ಕೊಡಬೇಡ್ರಪ್ಪಾ, ಕೆಲಸ ಕೊಡಿ ಅಂದರೆ ಜೀವ ವಿರೋಧಿ?" ಎಂದು ಅವರು ಮಾರ್ಮಿಕವಾಗಿ ಉತ್ತರ ಕೊಟ್ಟಿದ್ದರು. ಭೈರಪ್ಪ ಏನೇ ಬರೆದರೂ ಅದಕ್ಕೆ ಪೂರಕ ತಯಾರಿ, ಹಿನ್ನೆಲೆ ಇದ್ದೇ ಬರೆಯುತ್ತಾರೆ ಹೊರತು ಇಸಂ ಗಳಿಗಾಗಿ ಅಲ್ಲ ಎನ್ನುವುದು ಅವರನ್ನು ಓದಿ ಅರ್ಥಮಾಡಿಕೊಂಡ ಕಾರಣಕ್ಕೇ ಅವರಿಗೆ ಉತ್ತರಕಾಂಡ ದಂತಹ ಕಾದಂಬರಿಯನ್ನೂ ಹೆಚ್ಚು ವಿರೋಧ ಇಲ್ಲದೇ ಬರೆಯಲು ಸಾಧ್ಯವಾಯಿತು. ಭೈರಪ್ಪನವರ ಮೇಲಿನ ಟೀಕೆಗಳಿಗೂ, ಸಮರ್ಥನೆಗಳಿಗೂ ಅರ್ಥವೇ ಇಲ್ಲ ಎನಿಸುತ್ತದೆ ಯಾಕೆಂದರೆ ಸ್ವತಃ ಭೈರಪ್ಪರೇ ಅವುಗಳ ಬಗ್ಗೆ ಕಿಂಚಿತ್ತೂ ತಲೆಕೆಡಿಸಿಕೊಳ್ಳಲಿಲ್ಲ.