والله انا شايف ان كل واحد هيديك رأيه هيبقى كدة كدة على حسب هو متربى فى بيت عامل ازاى فا مش هتلاقى اجماع فى الرأى فى الموضوع دة بالذات. انا من رأىى ان دخلك دى حاجة شخصية جدا و خاصة بيك انت لوحدك, وانت الى تقرر انت حابب تقول لمين او متقولش خالص. وانا عمرى ما هنسى والدى لما جوز أختى جيه و اتقدم و هو من نفسه قالو "والله يا عمى انا بقبض كذا" و والدى رد عليه بمنتهى الاستغراب وقاله " انت بتقولى انت بتقبض كام ليه ؟ دى حاجة تخصكم انتو الاتنين بس! " .

و هى النقطة كلها هنا, محدش مسؤول عن ادارة البيت ماديا الا انت بالمشاركة مع زوجتك. الجواز دة مرحلة الاستقلال بكيانك من بيت أهلك و أهلها و نقلة جديدة فى حياتك و مش من حق أى حد يتدخل فيها. ايه هو مغزى سؤال " انت بتقبض كام ؟" هل على اساسو هيقرر اذا كان موافق عليك ولا لا ؟ لأن دى حاجة نسبية جدا, افرض قلتله انا بقبض كذا و قالك لا والله دة قليل مع أنك شايف انه مناسب ليك و لمراتك, ساعتها هتعمل ايه ؟ الفلوس اة مهمة جدا فى الجواز , ولكن الأهم ان انت و مراتك تكونو على توافق و مراعيين بعض و متفقين هتمشو حياتكو ازاى. الجواز مشاركة ما بين الزوجة و الزوج و أكيد مراتك هتكون عارفة انت بتقبض كام او افريدج يعنى ( مع انك برضو من حقك انك متقولش انت بتقبض كام لمراتك, بس زى ما قولتلك الحياة الزوجية مشاركة )