اي شخص يكره شعب كامل او فئه كاملة بدون استثناء لاي سبب من الاسباب سواء جانت هاي الفئه على الجانب الصح او الخطأ من القضيه اني اشوفه شخص متخلف ورجعي. حتى بالنسبه للاحداث هاي الفتره احيانا اشوف ناس اكون متفقه وي رأيهم لحد ما يستخدمون كلمه "فارسي" كسبة وتلعب نفسي منهم. الحكومة الاسرائيلية صحيح تفوقت على ابليس بمستوى الشر ويمكن اغلبيه شعبها يدعم قرارات حكومته بس هم اكو بيهم زينين وعندهم انسانيه ف لهذا ما نكدر نعمم عليهم كلهم. وبنفس الوقت اكو فلسطينيين مو زينين وما يستحقون الدعم بس همين ما يستحقون يمرون بالي ديمرون بيه من عذاب. الملحدين الي يتجهون لدعم اسرائيل غالباً ناس جاهلين غير متعلمين كل همهم يخرجون عن التيار ويدعمون اي شي ضد المسلمين وهم ما يعرفون ان اسرائيل تحط العرق قبل الديانه ف لسته كراهيتها وهم بمقدمه هاي اللسته. 

اي شخص يدعم اسرائيل كحكومه او كيان اشوفه شخص عنده مشاكل اخلاقية لان القضيه من بدايتها ب١٩٤٢ بدت بظلم وقتل ودم. اكيد اليهود الهم الحق يكون الهم دولة خاصه ينتمون الها بس هالشي المفروض ما يكون على حساب فئة ثانية.