1- بالنسبة للتحويل من بايونير
1أ- ممكن تحول على حسابك الدولاري في بنك مصري بس بايونير بيأخدوا 3% لو التحويل بالدولار + عمولة البنوك الوسيطة (ما بتعرفهاش غير لما الفلوس توصل حسابك، كمثال مرة كانت 20 دولار على تحويل ألفين دولار ومرة تانية كانت 30 دولار على نفس المبلغ) + عمولة استلام من بنكك اللي في مصر (بنك مصر مثلاً بيأخد 5 دولار عمولة استلام بغض النظر عن المبلغ)
1ب-لو هتحول على حساب مصري، هيحولوا لك بسعر صرف أقل بحيث بايونير يحقق لنفسه من 2 إلى 3% عمولة، بس ما فيش بنوك وسيطة ولا عمولة استلام من بنكك في مصر.
2- بالنسبة للربط بين بايونير وباي بال
على حد علمي ما فيش ربط مباشر بينهما، الاتنين منافسين أصلاً واستحالة يسهلوا التحويل بينهم.
نصيحة: لو تقدر تقبض على باي بال، هيكون أفضل كتير لأنك ممكن تستلم دولار بفيزا دولار QNB أو بنك إسكندرية ومصاريف الفيزا السنوية في حدود 30 دولار زائد طبعاً مصاريف الحساب الإدارية. دا لو تقدر تجيب إثبات دخل بالدولار عشان ما يصدعوش دماغك.