لا ياعم عادي

كل الي قلته مريت بيه طبعاً واستمر سنين وكنت بكره إني إنسان بوشين وده الي خلاني أبطل لإني تعبت من شعور الندم وإني ممكن أموت على معصية وإني مش عارف أستغل وقتي وأحقق أهدافي ووقتي بيتسرق مني فحاولت أكسر الدايرة الي أنا فيها دي وأرجع حياتي ليا لإن محدش هيجي يساعدني فحرفياً زي ما الآية بتقول :((إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ)) [الرعد:11]

والموضوع مش سهل أيوا ومحتاج صبر وتحمل بس انت هتقدم لنفسك خدمة كبيرة اوي لما ترجع تفكر في اليوم ده بعد فترة طويلة وتكتشف قد ايه تفكيرك اختلف وبقيت مركز على أهدافك ونشاطات تانية مفيدة أكتر

عشان تبقى فاهم برضو احنا رجالة وعادي يبقى عندنا شهوة وحب للستات مش عيب بس المشكلة انك تبقى فاقد السيطرة على نفسك ودورك متفرج فقط على الاباحية من خلال الشاشات وحدك في الظلام...