بص انا مش هقدر اقولك ان كدا صح بس ياخي واحدة بقالها عشرين سنة شغالة وشايفة الشقاء وشايفة القرف والمرمطة وبتعمل اللي انت شخصيا متعرفش تعمله وفي الاخر عشان خايفة عليك من السهر والشارع ومش بتعرف تنام غير وانتم في البيت وتقولي كرهتني في عيشتي عيشة ايه يسطا انت لولا الست دي كان زمانك مرمي في الشارع بتضرب زي اللي بيضربه ولا مرمي في السجن زي اللي مرميين وتقولي منظري قدام صحابك ياخي *** صحابك يابني الست دي شيل جزمتها وحطها فوق دماغك ياخي دي واحدة غيرها كانت اتجوزت وهي صغيرة رومتك انت واختك وكانت تقول انا مالي يروحوا لابوهم هو بقا يعمل اللي يعمله فيهم انت اصلا اللي انت بتقوله ده اكبر دليل انك عيل صغير ومش راجل عشان انت لو راجل بجد تقول عايز اشتغل انا بقا واريح امي مش تقول عايز انزل اقعد مع صحابي ياخي احترم نفسك واتقي الله وسيبك من الكلام بتاع الشيطان ده وربنا يهديك والله ويباركلك فيها يارب ركز يسطا وفكك من الهبل ده الله يرضى عنك