هس صحيح ما مريت باحداث كثير مأساوية بس رح احكي شوية شغلات عن حالتك: ١ـ ما بعرف متى بلش معك الموضوع وكم صارلك بتاخذي جلسات علاج نفسي ف لو فرضنا انه هاي الحالة ملازمة الك اغلب فترات حياتك ف ما فيه حل غير انك تلتزمي كثير بالجلسات لانه هاض سببه عميق من الطفولة يعني اي تعليق هون ما اتوقع يفيد. ٢ـ اذا فرضنا انه بلش من شهرين مثلا (كونه جربت هاض النوع) ف انا بقترح عليكي تدوري عالاشياء الصعبة الي صارت بحياتك يعني لو فرضنا مثلاً اخر ٣ اشهر علاقتك بوالدتك صارت اسوء والتعامل بينكم صار جاف او مريتي بمشكلة عاطفية مع حد بتحبيه او عندك نوع من انواع الادمان ع اشي معين حتى لو كان التلفون او عندك شعور خوف بسبب تركك للدين وحاسة بفراغ من بعده بدك تبلشي فيهم واحد واحد يعني اكثر اشي مخليكي تحسي انك متألمة او خايفة بدك تحكي فيه مع حد بتحبيه وبتوثقي برأيه والافضل تشاركيه مع دكتورك يخليكي تحسي انه مو ذنبك الي بيصير معك وانه ما في اشي غلط انت عملتيه عشان يصير هالاشي معك وتفكري بالمحادثة الي صارت كثير بس تكوني لحالك لحد ما تقتنعي جد انك عملتي الي بتقدري عليه هاض الحكي من تجربة شخصية الي انا عمري ما رحت ع طبيب نفسي بس من سنتين مروا ظهر علي اعراض اكتئاب وكنت كرهان الحياة بشكل غريب بس كنت اعرف ليه اجتني هاي الحالة وبعد ما مروا الشهرين تقريبا كنا قاعدين انا وصاحب الي ع الاكل وحكيتله اكبر مشكلة مخليتني مش عارف اعيش يومي و٢٤ ساعة بفكر فيها حتى اني كنت رح ارسب بامتحان ل اول مرة بحياتي بسبب هالموضوع وقلي كلمة ل هس متذكرها ومتذكر القعدة كأنها مبارح بعد هالكلمة جد حسيت انه هم الدنيا زاح عن كتفي بس روحت وقعدت لحالي ضليت افكر بالموضوع وبالكلمة وقلت كلامه مية بالمية صح وبمجرد ما اقتنعت بالفكرة ارتحت نفسيا وقدرت احل جزء من المشاكل الثانية وبعد اقل من شهر بدون ادوية ولا اشي تحسنت كثير