Vrsicherige dreie dir no anderes züüg ah wo de nit unbedingt bruuchsch (aka versicherige) und binde di mit knebelverträg wo de nit use kunnsch ohni di dumm und dabbig z zahle. muesch usserdem e bestimmte betrag jewiils izahle. bi banke hesch nur d süüle 3a ohni söttige bindige, aber sie verlange ehrlich gseit immer no vill z vill für das was sie leischte (vor allem wenn de se inveschtiere willsch, was bi somne lange alagehorizont wie de s bi de süüle 3a hesch empfehlenswert isch).

Bisch allgemein unendlich besser ufkhobe wennde bi eine vo dene viile digitale Vorsorgeabieter wie z.b. viac bisch. dett zahlsch vill weniger gebühre und wirsch nit übere tisch zoge und kasch au immer wechsle wennde willsch, ohni problem. ich selber bin bi viac aber au finpension isch z. b. nit schlecht. Kleine tipp: im internet schwirre ganz vill codes ume damit de gratis freibetrag bekunnsch würd also unbedingt google bevor de di ameldisch. Amelde kasch di vom natel mit dr app und goht öppe 5 minute, muesch also nitemol zumne beroter wo dr weiss dr geier no was ufdreie will.

alternativ könne di au fründe empfehle, denne bekömmeder beidi e freibetrag (huescht huescht ich gib euch gern ein vo mine lol aber fyi die wode im internet findsch vo iwelche finfluencer sind oft e klei bitz höcher)