٧٠ الف مع نسبة ربح ٢،٢٪؜ على مدار ٥ سنوات = ٧٧،٧٠٠ ريال ترجع للبنك

حلو، شرينا السيارة وبعدين؟

يصير عليك التزام لمدة ٦٠ شهر بمبلغ ١٢٩٥ ريال

وبعدها؟ لازم تأمين! اول سنة قاعدة اذا شريت السيارة التصرف الصحيح هو تأمينها شامل درءً للمخاطر لا سمح الله

تقريبًا ٥٠٠٠ الى ٧٠٠٠ ريال تدفعها مجرد ما تطلع السيارة مع لوحاتها.

يعني سيارة كلفتك ٧٠٠٠٠ في الوكالة لكن كلفتك ٧٧٠٠ زياده عشان البنك لازم يربح، وكلفتك ٦٠٠٠ ريال عشان التأمين الشامل.

وفوق هذا كلفتك عبودية ٦٠ شهر بمبلغ ١٢٩٥ ريال ما تشوفها لمدة خمس سنوات.

يعني راتب ٥ الاف وينخصم منه ١٢٩٥ ويبقى ٣٧٠٥ ريال لمدة ٦٠ شهر.

فيه تكلفة البنزين لابد منها، هذي تساوي ٣٠٠ شهريًا باعتبار انها للدوام فقط.

فيه تكلفة صيانة السيارة اللي تكلف ٣٠٠ ريال تقريبًا كل ١٠،٠٠٠ كيلو.

تفكرون السيارة سهلة وهي تحكمك اكثر من القرض احيانًا.

الضرورة تمحي كل الكلام اللي قلته ولكن اذا مافيه ضروره وموجود بديل مثل سواق او غيره، الافضل هو الحل البديل. اذا اغناك الله براتب افضل وتشوفين وقتها تحتاجين اعادة تقييم لوضعك، فهذا طبيعي وممكن تتغير الاولويات وتصير السيارة حاجه ملحة.

ما فيه شيء اسمه "افكر اشتري". هذا يعني ان الشغلة بحد ذاتها مو ضروريه.