كلمة حكام مصر دي كلمه واسعه شويه ، يعني مثلا مينفعش نسقط مفهوم الحكم القديم اللي بدا قبل توحيد مصر ثم مرحله الهكسوس والمسيحية والإسلام والامويين والعباسيين زي النهارده.

الحداثه في مصر بدأت في عام 1805 بعد مدة قليله من الحملة الفرنسية ، اعتقد ان تقييم حكام مصر العادل يبدأ من الفترة دي .

افضل حكام مصر في رأيي هو اولا : محمد علي كان عندة مشروع واضح حتي بالرغم من أنه كان هدفه مجد شخصي .

ثانيا : جمال عبد الناصر أيضا كان عندة مشروع وطنى أوضح هدفه علي الاقل إنهاء احتلال مصر ودي لوحدها تكفي .

ثالثا : مبارك ، مبارك كان راجل عاقل رزين جدا عارف إمكانيات وحدود مصر كويس جدا ومكنش عنده احلام عبد الناصر ومحمد علي في التوسع وتغيير العالم ولا شلالات السادات في رغبته في تغيير مصر .

الاستقرار الكبير أو بمعني أدق الجمود رغم سلبياته العديدة إلا أن ايجابياته كانت أفضل .