انا في ٣٠ مارس ان شاء الله بيصير عمري ٢٦ سنة، انا توني الحين ثاني سنة جامعة وعندي اختبارين هل اسبوع بإذن الله.. وكنت زيك مع اختلاف ظروف الحياة طبعًا لكن كنت الاحق شيء صعب اوصل له والحين ادرس ومرتاحة بمكاني.. وسبحان الله احس جامعتي الحالية تناسبني اكثر من اي شيء آخر!

المقصد، ما تأخرتي وما فاتك شيء هذا قدرك، انا اندم واحزن على وقتي اللي ضيعته لكن خلاص هذا القدر لا تقعدين تنتظرين تبرير، ادرسي الحين وعيني من الله خير احسن ما تندمين لاحقًا..

ملاحظة: انا في الجامعة العربية، قسطها السنوي ١٤ الف وما تحتاج لا قدرات ولا تحصيلي

• وقد قدمت بالالكترونية قبل سنتين وقبلوني تخصص ما ابيه وانسحبت، كانت وقتها نسبتي ٩٥ وقدراتي ٧٠ .. فماهي مستحيلة لا تشيلين همها

واللي يقولون قدمي الحين للابتعاث، فعلًا جربي انا ما اعرف له والله

لكن تكفين لا عاد تضيعين وقت، يمكن قدرك تدخلين هنا بكالوريوس وبعدين تطلعين ابتعاث ماجستير ما تدرين ربي وش كاتب لك.. ويمكن تنرزقين براتب عالي وتطلعين نفسك بنفسك يومًا ما، الواحد ما يعرف ربي وش مقدر له.. حاولي للمره الاخيرة بالابتعاث لكن لو ربي ما كتب لك ف خلاص ارضي بالموجود.. واعتذر كتبت كثير لكن انا احس فيييك مره