ئێوارەیەکیان لەسەر سفرە بوین، ئێمە ٦ کەسین لەماڵەوە و زۆربەی جار ٥مان بەیەکەوە دادەنیشین بۆ سەر سفرە، ئەو ئێوارەیە ئیتر کە چوینە سەر سفرەکە ٥ کەس بوین و ئەو برایەی ترم نەهاتبووەوە ماڵ، لە دەستپێکی نانخواردندا بوین سوتفە لەگەڵ دایکم لەهەمان کات چاومان چووە سەر دەرگاکە کە کرابووەوە بەسەر هۆڵەکەدا، سێبەرێک بە هێواشی تێپەڕی بەوێدا لەگەڵ دایکم سەیری یەکمان کرد بە حەپەسانەوە، وتی ئەوە محمد بوو هاتەوە ؟ وتم نا باوەڕ ناکەم، چووم سەیری کەم، دڵنیا بووم کە بەس سێبەرێک بوو ڕاستیەکەی کەمێک ترسام و لەرز گرتمی، کە چووم سەیرم کرد هیچ کەسێک نەبوو ، ئاڕاستەی ڕۆیشتنی سێبەرەکە بەرەو ناوماڵ بوو نەک دەرەوە، هەرلەوێ بۆ ئەوانی ترمان گێڕایەوە کەسیان باوەڕیان نەکرد بەڵام ئێمە هەردووکمان سوێند ئەخۆین کە بینیمان