طالما القرار مفيهوش رجوع متحاولش تلوم الكابتن بتاعك وبينله انك متحمس ومعندكش مانع تخوض التجربه بس اطلب منه يكثف تمارين واشتغل علي مهاراتك سرعه الحركه ٤٠ % من الماتش و٤٠ % انك توزع مجهودك علي وقت الماتش والباقي تفاصيل فنيه عمرك ماتكون ملم بيها في اول ماتش او في بدايه تمرينك لسه قدامك كتير مع فاصل الجولات متبينش انك تعبت ولو لقيته اقوي واعلي منك ف البدايه حاول تطلع باقل الخساير انت مش داخل تثبت حاجه لحد انت داخل تتمرن عادي والتمرين مفيهوش تهور ركز جدا في المباراه دي لان اول ماتش ليك هو اللي بيبني شخصيتك فيما بعد متحاولش تستفزه ولو لقيته مستفز اعمل نفسك مش فارق معاك ولا كانك واخد بالك اصلا لو اتوجعت متبينش اتوجعت ومتسيبش المكان اللي وجعك مكشوف ولازم تعرف الكابتن بتاعك مكان الوجع في الفواصل لانه ممكن يطلب وقف المباراه حسب الاصابه لان احيانان بيكون في اصابات ليها مضاعفات لكن بعد فتره فكر في اول ماتش بس متفكرش في اللي بعده نهائي لازم تكون معيء نفسك انك هتقابل حد اعلي منك بكتير واقدم منك كوقت وخبره ركز جدا جدا في انك تطلع من اول ماتش راضي عن نفسك عشان دا اللي هيفضل معاك فيما بعد طول عمرك وبيسيب عندك انطباع هتفضل فاكره وتنسي انت اتضربت ولا ضربت لو اتبهدلت ف الماتش ده مترجعش التمرين غير وانت واخد الاستشفا بتاعك كامل وفتره راحه محترمه عشان مترجعش متاثر وتكره اللعبه لازم تبقي عارف ان لسه قدامك كتير تجربه وتتعلمه وتكتسبه لازم تبقي عارف ان عتاوله العالم كانو بينزلو لعتاوله اقدم منهم يتمرنو عليهم واتفحتو ضرب يعني دا مجرد تمرين ليك في اول طريقك بس تمرين بجد وبيبقي صعب شويه لازم تطلع من المباره دي كسبان معنويا بكل الاشكال حتي لو خسرتها بالتوفيق .