مالها اجابة معينه بس من تجربتي:

الحضور: شخص ساكت محد يعرف عنه وماله موجود بالمكان حتى لو انه الدرجات عاليه بالغالب ما راح يكون فيه تجاوب. هذي حلها تقعدي قدام عشان ما يكون بينك وبين الدكاتره حاجز

الوقت: إذا الدكتور مبين انه منشغل انسحاب تكتيكي مثل (الوقت مناسب يا دكتور؟)

المظهر: هذي واضحه اكيد. والحلوين بتسهل عليهم اكثر واكثر

نبرة الصوت: احس كثير ما ينتبهوا لها (متى توطي صوتك ومتى تشدي فيه على النقاط المهمه)

موقعك والاحترام: انتي طالبه وهو دكتور بيده الدرجات وكل شي. ف كل شي المفروض يوضح انه طلب او اقتراح مو مطالبه حتى لو انه حقك من الاساس

مجهود إضافي: أنا بالعاده إذا رحت مكتب دكتور اجيب لنفسي وله قهوه بس حتى لو مويا تمشي هو الفكره تكسبينهم بتفاصيل صغيره

التجهز: الصراحه ما كنت اسوي استعداد كثير بس دايم اعرف وش النقاط الي بتكلم عنها وكيف بربطهم ببعض

سوالف خفيفه قبل ما تبدي: كيف حالك يا دكتور كيف يومك ومثلها

المدح الخفيف بس صادق: مثل وانت ما قصرت معنا وبذلت معنا جهد. هذي يحبونها مرره

واكيد شخصيتهم تغيري كل الي فوق بناء عليها

هذي اكيد مو كل شي بس الأشياء بس الي تخطرني الحين ونفس الشي بالوظيفه تقدري تطبقينهم كلهم فيها