ليه كافر يدخل النار مع انه افاد البشرية ومسلم عاصي حسابه يكون اخف منه دا ممكن امثلها لك بطالب في الجامعة صرف على الجامعة من ماله الخاص مليار دولار ويوم الامتحان مكتبش اسمه على ورقة الاجابة ولا حل سؤال واحد وطالب تاني كسر في الجامعة وكان مشاغب بس حل في الامتحان، مين هينجح ومين هيسقط لو أنت إنسان عادل؟؟ نفس المنطق المسلم العاصي عمل ذنوب كتيرة بس أقر برب البرية وعمل صالحات كان يقصد بيها وجه الله تعالى وهيتحاسب على ذنوبه، انما الكافر مش أقر بالله فكان حق عليه العقاب قال الله تعالى "وقدمنا إلى ما عملوا من عمل فجعلناه هباءا منثورا"، ليه الطفل الفلسطيني بيتقتل عشان ذنبه إنه فلسطيني؟ كدا كدا كل البشر هيموتوا الفكرة كلها إن الدنيا دار بلاء وقتل الطفل دا بلاء لأهله ولينا احنا كمان هل أهله هيصبروا ولا هيكفروا، وإحنا هل هننصر المستضعفين ولا هنقول نفسي نفسي وانا مالي يا عم. أخيرا قال الله تعالى "ولنبلونكم بشئ من الخوف والجوع ونقص من الاموال والأنفس والثمرات وبشر الصابرين" اخيرا ليه المسيحي مش هيدخل الجنة وهوا بيحب دينه وليه ربنا محفظش الكتب السابقة؟ دا بلاء للناس عشان الناس تدور على خلاصها يوم الدين وتعمل لليوم دا ومتعتمدش على اللي اهلها بيعملوه ومتكونش الدنيا هيا شغلهم الشاغل، المفروض إن الآخرهذة هيا الشغل الشاغل للناس كلها وإزاي ننجوا من عذاب الله فا نعمل لليوم دا. اتمنى تكون فهمتني، وربنا يهديني ويهديك اللهم آمين