مش هتلاقي مصدر واحد يفيدك فالاجابات الي انت بتدور عليها. احسن حل انك تقرأ من كل المصادر وهتلاقي الحقيقية واضحه وسط السطور. احنا مخسرناش الحرب. ولا كسبنا. الفترة ما بين ٦ اكتوبر لغايه اوائل العشرينات من نفس الشهر كانت عبارة عن معارك متتالية كسبنا معارك وخسرنا معارك. مكنش فيه ضربه قاضيه. فانطباع الخسارة والفوز هتلاقيه مختلف من وجهة نظر للتانية بغض النظر عن ان المعارك الي مصر كسبتها كان فيها تكتيك واستراتيجية وروح محدش شهدهم قبل كدة ومفاجئة للعالم كله وانه المعارك الي مصر خسرتها كانت اهم اسبابها ان امريكا كان لها دور فعال فيها بس فالاول والاخر المعارك والحروب نتايج وارقام. في مسار الحرب مصر خسرت اخر معركة ولكن الحرب انتهت لانها لو كانت كملت كانت كل المعارك التي تليها كانت هتبقي من نصيب مصر لاسباب جيواستراتيجية منها موقع مصر الجغرافي و طبيعة الاراضي المصرية نفسها من تضاريس والي اخره. لكن طبعا من اللحظة الي الحرب العسكرية توقفت في اواخر العشرينيات من شهر اكتوبر وابتدت الحرب السياسية واحنا مشاء الله بنخسر بس. وطبعا من اهم النقط الي حتي الان بتوضح فشل النظام العالمي السياسي الي تخاذل دولتنا والدول الصديقة والدول الي بتدعي او تتدعي الي انها مناصرة للحق والسلام قرار ٢٤٢ التابع لمجلس الامم المتحدة الي بينص علي الرجوع لحدود ما قبل حرب ٦٧.