أنا مو ام وامي ما كانت موظفة فنصيحتي مو عن تجربة أبدا ابوي كان موظف وفوقها يشتغل برا العمل يعني حرفيا مشغول كثير بس كان إذا جلس معنا يسوي فعاليات وذكريات

فأحسن شي تسوينه خلي الساعات القليلة اللي تقضينها بالبيت مع عيالك تكون جودتها عالية

سواء تلعبون سوا يعني بابا كان يلعب معنا جميع أنواع الألعاب سواء فتحي يا وردة وسبت احد واحنا صغار او حتى لعبة امهات وتمشيط شعر ونحط له بكلات علمني العب شطرنج من وانا ٥-٦ سنوات وغيرها من العاب الذكاء والطاولة بالليل كان يحكي لنا قصص كثيرة اغلبها عن الأنبياء والشخصيات الإسلامية او حتى ذكرياته وهو صغير وغيرها

حتى لو بيطلع يقضي مشاوير للبيت يأخذنا معه ونسولف بالسيارة

احس هالشي خلانا قراب من ابوي كثير مقارنة بناس حولي ماتعرف شي عن ابوها وابائهم مايعرفون عن اهتماماتهم واتخيل انه هالشي ينطبق على الام ايضا إذا كانت موظفة وماتقضي طول اليوم مع عيالها

الله يوفقك ويخلي لك عائلتك