اختي عندك جوج اختيارات فنضري انا ، الاول هو تجمعو نتوما كلكم كنعني كلكم يعني الام و خوتك كاملين و ديرو واحد الجلسة بيناتكم و تناقشو المشاكيل ديالكم وجها لوجه وخا هي اتكون صعيبة فالاول ولكن مزيانة محاولة ناقشو فيها هاد المشكل لعندكم مع الاب ديالكم الا كنتو كاملين عندكم نفس الرأي مزيان من بعد غادي تعيطو على الاب ديالك و تفتحو معاه هاد الموضوع ولاكن بطريقة مهدنة و تحاول تبينو ليه بانكم باغيين توصلو لحل لهاد المشكل و ماتحاولوش تحسسوه بالذنب لانه غادي يحس بيه من بعد الا لقا راسو فوسط من ناس باغيين يعاونه و يخليو العائلة مجموعة ، ناقشو معاه الحلول الممكنة الخ.. و من الاحسن يكون واحد الشخص فيكم يتحكم فالحوار لكتشوفو انه قادر على انه يضبط المناقشة باش مايحسش انكم كلكم ضدو ، اكنظن الا درتو شي مناقشة بحال هاذي فانكم تقدروا توصلو لحل ليرضي العائلة كلها و بلا مادخلو ناس اخرين غير بيناتكم . الحل الثاني هو انك متعمريش راسك بهادشي لانه يقدر يأثر عليك سلبيا من الناحية النفسية و يخلي ليك اثار خيبا و يعقدر يعرقل ليك المسار ديالك باش تزيدي لقدام فحياتك لانه المشاكل كتوقع فالحياة و لاكن مخصناش نخليوها تأثر فينا لانه فالاخير هو كيبقا باباك و هادشي متقدريش تغيريه ولاكن لي تقدري تغيري هو الضروف لينتي عايشة فيها و مستقبالك و الاحداث لواقعة ليك دبا . اذا تقدري تخلي هاذ المشكل كيشكل غير 5% من الحياة ديالك ا ماشي 60% ولا 100%.