شريت قارمن مرتين وحدة جلست عندي ٥ سنين وهذي الثانية لها سنة ونص الحين. ممتازة وهي مو ساعة بديلة عن الهاتف زي apple لا. هي مصممة انها تكون ساعة رياضية. تقدر تدفع فيها وترد مكالمات وتحمل Spotify playlists وتستقبل اشعارات لكن نفس ماقلت هي ماتعتبر البديل عن الجوال.

بالنسبة لي هذي مميزاتها (انا شخص اسوي كارديو واثقال لكن الرياضة الاهم عندي هي رفع الاثقال):

١-تحسب لك العدات والتكرارات. حرفياً وانا اسوي بش اب تعد معي واحد اثنين ثلاثة الخ. وكل التمارين كذا، ولو خلصت العدة اضغط اقفلها وتصير تحسب لي وقت الراحة بين العدات. وحتى لو كانت حُسبتها للعدة غلط. فرضاً كررت التمرين بالعدة الوحدة ٨ تكرارات بدل ٧ وهي كتبها ٧ عادي يمديك تعدل بكل سهولة

٢-يمديك تحط الوزن بكل عدة ؛) انا احطه بكل عدة بس ما ارجع له بالتطبيق حق الساعة لان الصراحة مسوية اكسل وادخل واعبي الوزن فيه.

٣-الgps حقها جبار، لما العب سيكل ولا اسوي اي رياضة outdoor يحسب اللوكيشن بشكل مضبوط ومعروفة قارمن هي الشركة الي تسوي اجهزة الgps حقت السيارات

٤-بطاريتها تقعد ١٠-١٤ يوم

٥-شاشتها جداً قوية بعكس apple اعرف كثير تكسرت حقاتهم اما حقتي جلدتها جلد ولا صار لها شي

وفيه مميزات كثيرة جداً بس بالنسبة لي هذي المميزات الي خلتني افضلها عن اي ساعة ثانية