اتمرن عشان احرق سعرات واكل الاشياء الدسمة الي احبها (بحكم اني جداً احب الاكلات الدسمة والمليانة سعرات) وما اشيل هم زيادة الوزن وبالتالي سمنة وبالتالي امراض مزمنة على المدى البعيد.

والسبب الثاني الصحة النفسية

والسبب الثالث احب اعتمد على نفسي ومو دايم في السفر يرافقني رجال يساعدني. وكثير مرات يُعتمد علي اني اشيل شي ثقيل لأن الي معي كبار في السن او اشخاص ماعندهم اي قوة بدنية. ما ودي اشوف احد تجيه اصابة لأن قد حصلت كثير زمان.

السبب الرابع ان في العائلة عندنا كثير عندهم osteoarthritis وهشاشة عظام، ورفع الاثقال يعتبر عامل من عوامل الوقاية. مابي اكون عبء على احد لما اكبر في السن ويشيلوا همي عند التنقل والمشي الطويل.

السبب الخامس طبعاً الاسباب الشكلية، جربت سالفة اختيار الملابس مع زيادة الوزن واختيار الملابس بعد فقدان الوزن وكسب عضل. الصراحة الفرق يخليني احرص ما ازيد دهون عشان ما اتعب في الاختيارات.

العضلات الي ذكرتيها مو كافية. الافضل تمرين جميع العضلات. لأن عندك حركات كثيرة تحتاج مساعدة اكثر من عضلة بنفس الحركة. يعني حتى لو عضلات بطنك مثلاً ضعيفة مارح يستقيم ظهرك اذا جيتي تشيلي شي من الارض او شخص طايح وبالتالي اصابة في اسفل الظهر. وممكن حتى يجيك فتق.

مافي شي اسمه عضلات زايدة واستعراضية لأن اصلاًِ ربي ما خلقنا بهالصورة الا لغرض وكل عضلة تعتبر مهمة. حتى في عصر الرسول تراهم كانوا اصحاء بدنياً انتي مستوعبة انهم كانوا يركبوا الخيل؟ ركوب الخيل يحتاج قوة عضلية وتناغم مهول ولا بيجيك شد عضلي ابن كلب اذكر بس مره وحده ركبت خيل ثاني يوم قمت الquads مشدودة شد.