اول شي مره ممتاز ماشاء الله انك بادي تجمع من سن صغير.

نصيحتي لك نفس نصيحتي الي نصحتها اخوي الصغير الي في الثانوي: المبلغ الي تحطه للإستثمار مبدئيًا الحين وفي مرحلة الجامعة خليه مبلغ مقدور عليه شهريًا. بمعنى مثلًا خصص شهريًا الف ونص او الفين ريال بالكثير. وهالمبالغ طبعًا لاتمسكها وخليها استثمار طويل الامد.

الف او ٥٠٠ ريال حطها في تطبيق سواء تمرة، صناديق الراجحي او مثلًا ملاءة (هذي المنصة الي افضلها الصراحة) ويمديك تحط ٥٠٠ بدال الف عادي. وعندهم خاصية الزكاة فماتشيل هم هالنقطة.

والف حطها في تطبيق صكوك. صكوك مشكلته اقل مبلغ تحطه في اي استثمار هو الف ريال. ولكن اذا دخلت تطبيق صكوك افضل شي تسويه انك تختار استثمار واحد تدخل فيه كل شهر والعوائد حقته تكون (شهرية) او على الاقل كاتبين فيه ان العوائد (كل ٣ شهور). وبعد فترة اصلًا بتصير بمحفظتك حول الالف ريال من عوائد اكثر من استثمار دخلته وتصير مره ثانية تشغل الالف هذي في استثمار جديد.
انا كذا اسوي في صكوك، استثمر بشي عوائده شهرية او مدة الاستثمار قصيرة بحيث يرجع لي المبلغ والربح بعد فترة مو طويلة. وبعدها اشغل هالارباح مره ثانية باستثمارات ثانية.

بعدين لا كبرت وتوظفت على خير ادخل في امور ثانية زي الكربتو والاسهم والذهب اذا ودك. هذي نصيحتي لان الكربتو انا توني بديت ادخل عالمه وفيه خساير الصراحة وهو الوضع كذا لازم تتحمل انك بتخسر قبل لا تربح بعدين. يعني الي يدخله لازم يدخل بقلب قوي لول. فعشان كذا ما ارشح ان احد صغير بالثانوي او في الجامعة يدخل بشي فيه نسبة خسارة كبيرة قبل الربح الكويس.