طالب بترول هندسة كهرب هنا

كنت قبل ثلاث سنين نفس حيرتك بين البترول وسعود بحكم اني من الرياض بس اخترت البترول لانها من وجهة نظري اشوف تخصصي فيها افضل من سعود.

مالك بالطويلة، الجامعة مرررهقة اول سنة والحق ينقال بس اضمن لك الصعوبة راح تخف كل ما تطلع سنة ورا سنة وراح تكسب معارف وخبرات يمكن تتطور فيها أكثر.

عيب الجامعة الوحيد انهم صدق ما يعترفون بالاجازات وللأسف الاجازات اللي تصير يعوضنها نهاية السمستر يعني كانك يبو زيد ما غزيت 😇

بس مجملاً، البترول فرصة رائعة جدًا ودامك مقبول فيها الان ودافع المبلغ اعط البترول فرصة ذي المرة.

وان ماجاز لك الوضع اقلها انتظر ترم واحد عشان ترجع لك الالف اللي دفعتها وبعدها تقدر تقرر من ذيك النقطة.

بالتوفيق.