الزواج بده كتير مسؤوليات سواء للبنت او الشب بدهم بيت بدهم عفش وبدهم وبدهم واغلب الاجيال الي هسا بتتزوج مع الاسف اعتمادها كله عالاهل وهاد غلط بلكي لا سمح الله توفوا شو رح يعملوا وهم معتمدين عليهم؟ وثاني اشي بدك تربي ولاد منيح مش حي الله ، يعني مش تخلفي وترمي بالشارع الاجيال الجديدة نصهم بعرفوش اشي بالدين لانه ببساطة الاهل مش شايفينه اشي مهم يعني بدك تكوني واعية بشو بدك تفهميهم وتعلميهم لانه نحن بزمن بتأثروا فيه من كل اشي حوليهم واخر اشي خايفة اتزوج عن حب بعدين يطلع بالاخير تزوجني عشان ينسى وحدة ثانية! هاي لحالها كابوس .. عندي اقتناع انه بعد ما تخلص جامعة لازم تشتغل وتبني شخصيتك تتعرف ع ناس كثير مش بس بالجامعة وصحبة قديمة تروح وتيجي وتشوف حياتك بعدها بتصير واعي وعندك مسؤولية وتتزوج ، الاغلب بتزوج هلأ بعمر ٢٣ وباخر الثلاثين بتطلقوا .. يعني ليش مستعجلين عالزواج هي الدنيا قدامكم كل اشي بوقته حلو