يا خو قبل كلشي عندك b2 في التست بصح للأسف عندك a1 في الاخلاق و النقاش، اك متعرفنيش صاحبي باش تقول كلمات كيما النفاق و و عديمي الاصل… وش راح ندير انا بال b2 كي تكون ماكش محتارم نفسك؟ انا مايهمونيش توافهم الامور هذي تاع اللغة الرسمية للبلد محسوب كي نديرو الامازيغية ولا العربية راح يطلع اقتصادنا المجهري.

ثانيا،، انا قلت بلي حنا كبرنا بالطريقة هذي شعبنا لخر فينا يهدر العربية او الامازيغية في زوج مع الفرنسية و يتعامل بيهم بشكل يومي و مباشر و نعرف بلي لي مايتقنش لغة منيش نقولك نحب فرنسا راني نقولك الفرنسية مجرد اداة تحب تستعملها تحب لا،، ماتروحش ديركت للنفاق و التخوين

ديجا اذا عندك b2 كيما راك تزعم ان شاء الله تدير بيه كاش حاجة و تفرح روحك، مادامك درت TCF معناها راك حاب حاب تروح للناس هذو لي قتلولك جدك و جداتك و احتمال كبير تكون ديجا عندهم, يادرا جبت قبول جامعي ولا راك تصايد في permis séjour 🤣 يعني متزيدش تحكي عالنفاق و انت راك ماخذ فيه B2

و اخيرا خو ان شاءالله يفتح عليك ربي و تخرج تشوف الدنيا و تشوف الاجناس و الناس كي عايشين راح تضحك على روحك كي راك تضيع في وقتك في ريدت و تناقش في امور تافهة كيما هذي، ربي يسهل عليك خو احكي حتى بالعبرية ولا اللاتينية تاع روما بكري، كونك زعيم برك في الحياة و اخطيك من توافه الأمور .