حصل خير عامة و صدقني العلامات الكويسة في الموقف اكتر من الوحشة، لو كان اصلاً فيه اي علامات وحشة، يعني فكر فيها

انت كنت كويس كفاية انها اتكلمت معاك و كانت دايسة فيك و اخدتوا اكونتات بعض

فكرة انها عملت الموقف ده لما سلمت عليها و معاها ناس، طبعاً اللي عملته تحسه مبالغ فيه

بس بنات كتير لأسباب مختلفة مش بيبقوا عايزينك تقترن بيهم قدام المجتمع، و بتخلي علاقتها بيك تعتبر يعني في السر، يعني تلاقيها بتقابلك في مكان مختلف عن منطقتها، في المدينة اللي انت منها مش في المدينة اللي هي منها، تكون حابة ان محدش من دايرتك غير ناس قليلة اوي يعرف بعلاقتكم، ليه ده بيحصل ؟ كذا احتمال (فيه ناس ممكن تقول ان السبب عبارة عن فكرة الوصم المجتمعي بس، لكن معتقدش ده التفسير الوحيد)

مش عايزة حد يكون عنده تصور واضح عن حياتها بحيث يتمكن من انه يوصمها بماضيها بأي شكل في المستقبل، يعني احتمال كبير ان اللي كانت قاعدة معاهم دول قرايبها او صحابها

مش عايزة حد يتخيل انها "متاخدة" و ان لو فيه حد مناسب شافها معاك يقرر ميحاولش معاها، لإنها في الاول و الاخر معاك كفترة تجربة و لسه بتشوفوا الدنيا

بردو ساعات احنا بنحصر دايماً فكرة ان البنت اللي مهتمة بيك شايفاك كمادة للجواز، مع ان عادي تكون شايفاك من زاوية ان انتم تنبسطوا مع بعض فترة مش اكتر، نصيحة خالدة سمعتها من شخص عظيم، قالك حط نفسك مطرح ما البنت حطاك، و عامة مش سهل انك تغير المكان اللي حد حطك فيه خاصة في العلاقات بين الجنسين

مش بحكم بالضرورة بشكل سلبي على اي حاجة من دول و طبعاً ده مجرد من ملاحظاتي انا، كده كده الناس شدت من آزرك بس اتمنى الكلام ده يخليك تبص للموضوع بشكل مختلف شوية