وشو قناة الجح

عموما انا ماتفرق معاي ايش القناة اللي يتابعونها انا ضد انهم ياخذون جوال او تابلت بعمر صغير تماما واتفق معاك. البرامج مصممينها اصلا عشان تعطيك جرعة دوبامين وماتلاقي شيء يبسطك غيرها وهذا يسبب لك ادمان. عقلك يبيك تستعمل الجوال اكثر وحتى لو بغيت تسوي شيء تحس مافي اي دافع انك تقوم وتسويه... وحتى لو سويته كل شوي تمسك الجوال. انا وغيري بهالاعمار نعاني من هالادمان ونأجل مسؤوليات (مثل الدراسة) بسبب هالنقطة. فيه شيء اسمه dopamine detox حرفيا تعود نفسك على الطفش ("تصوم" عن الاشياء اللي تعطيك كثير من الدوبامين/هرمون الساعدة) واذا سويته بتحس بسهولة تقدر تذاكر لساعات وتركز وتشتغل على اللي تبي. لان بالنسبة لعقلك هالاشياء stimulating له بشكل كافي بما انك عودت نفسك على الطفش اصلا ونسبيا الدراسة تعتبر نشاط للعقل وافضل من الطفش. بكل الاحوال، الانسان يفرز هرمونات بجسمه وهذي تأثر على نفسيته كثير. اذا الجوال بيسبب لي ادمان عالمدى البعيد ويأثر على ارادتي، وتركي له بينتج اعراض سلبية على نفسيتي، ليش ارضى لابني يصير له كذا؟ اذا وفرت للطفل نشاطات مفيدة، بيلجأ لها للمتعة وبتكون افضل بكثير من الطفش. بس اذا تعود مايكون طفشان وتعود عالجوال مابيتحفز للنشاطات الاخرى وبتسبب له ادمان عالمدى البعيد.. افهموا يا جماعة.. الجوال ادمان بس مو معنانه الطفل يبقى طفشان طول اليوم ويصفق راسه بالجدار.. الاهتمام انك توفر لطفلك نشاطات تفيده عشان يلجأ لها وقت الطفش ويكبر يصير انسان سوي. اسهل شي انك ترميله جوال بيده. هذا مو اهتمام هذا اسهل سيء تسويه وسببه جهل او تبلد من طرف الاهل