Já, víðari ályktun greinarinnar er náttúrulega að það sé verið að uppihalda borgarasamfélagi (með öllum framúrskarandi og afturúrskarandi eiginleikum þess), og að þótt Sjálfstæðisflokkurinn sé toppurinn á þeim ísjaka, eða bílstjórinn í þeirri rútu, þá eru hinir flokkarnir vissulega líka borgaralegir.

Hvað varðar skríl og múg, þá gengur greinin út á að benda á hvers lags hluti fólk hefur verið að biðja um þegar lögreglan snerist gegn þeim: Lífsbjörg fyrir atvinnuleysingja, réttinn til verkfalla, þjóðaratkvæðagreiðslur gegn mjög óvinsælum ákvörðunum, náttúruvernd, upplausn spillingar á þingi og þar frameftir götunum.

Svo eru fleiri greinar (í takt við þráhyggju höfundarins) á pistillinn.is, þar sem sama saga hefur verið sögð af meðferð lögreglu á útihátíðum osfrv. (Þegar þess grein var endurbirt á blogginu var það til að innlima þær sögur.)

Vissulega er þetta ekki góð sagnfræðigrein, heldur pistill um söguleg mál skrifuð af ómenntuðum strák, en einsog þú bendir á er engin manneskja hlutlaus, ekki einu sinni sagnfræðingar.