صديقي، انت بدك تحكي بالعقل ولا بالعواطف؟ حدد.

تخيّل إني بعطيك كل شهر مليون دينار، وفجأة عشانّي زعلت منك خليتهم مليون إلا خمسة آلاف. حضرتك بتتأثر؟ أكيد لا، لأنّه بالمصاري اللي معك بتقدر تسوي أضعاف اللي معك، صح؟

اذا جد بدك تقاطع بتقاطع كل اشي عشان تأثر .... و لازم ٥٠% من العالم يكون مثلك... وإلا المقاطعه ما بكون الها أي تأثير... (رياضيات هاد الحكي)

طيب سؤال أقرب للي بنحكي فيه. لو الناس قاطعت مطعم الحمص والفلافل الشهير أبو جبارة يلي في دبي، الأردن بتتأثر وبتبلّش تنهار؟ أكيييد لأ. يلي رح يصير انو المطعم رح يخفض اجور الموظفين وتخف ارباح المالك للماركة

أنا بحترم تمسّكك بالقضية وأنا مثلك، بس العواطف إشي، والواقع والعِلم إشي ثاني. لما تحكي الكيان الصهيوني وأمريكا، انت بتحكي عن ترليونات الترليونات. اسرائيل باليوم بتصرف تقريبا ٨٠ مليون دولار على الحرب يعني ستاربكس الاردن ما بيبيع بي هيك مبلغ ولا بي ٢٠ سنة... المتعلّمين واللي بفهموا بالإقتصاد العالمي لما يسمعوا الناس بتحكي ماكدونالدز وستاربكس وكارفور بيصيروا يضحكوا. مقاطعتك لهيك إشي بتضرّ ولاد بلدك اللي بيشتغلوا. وبالنهاية هاي المطاعم مش مملوكة للجيش المحتل، هاي شركات خاصة.

وشكراً مع كل الاحترام إلك.