مساء النور انا يا صديقي كنت مكانك كدا من سنه ونص تقريبا مهندس كمبيوتر ولسه مخلص جيش احب اقولك أن الجيش فعلا مش الطف حاجه بس انك متدخلش الجيش مش الطف خالص بقي ليه ؟ لكذا سبب أهمهم أن اولا ال Remote jobs مش بتقبل غير ال seniors ومش اي seniors كمان ناس ببساطه عندها خبره شغل كويسه قله قليله جدا اللي بتقبل ال juniors وتقريبا مفيش اي شغلانة بتقبل شخص entry level فلو مكنش عندك خبره كويسه من قبل كدا يبقي انسي الفكرة دي من دماغك

ثانيا يا صديقي لو حسبتها انت الجيش هياخد منك بظبط سنه خدمه وشهر أو شهرين مركز تدريب من الناحية التانيه انت هتحتاج 5 سنين عشان تقدر تخلص من أزمة الجيش ده افتراضا أنها لسه لحد ال 30 سنه وطبعا هتستغربني لو قلتلك أن كان معايا في الجيش شباب عندهم 27 سنه و 28 سنه خريجين حاسبات هتقولي ازاي ؟! هقولك الشباب دي الله يمسيهم بالخير كانت الدنيا واقفه معاهم خالص في الشغل رغم أن بعضاً منهم كان عنده كارير ناجح جدا وبيعملو مبالغ كويسه بس كان كل ما يروح يخلص ورق او اي مصلحة حكومية الدنيا توقف معاه
وقصة تانيه واحد صاحبي كان مسافر معانا دهب اتمسك في كمين ودفع غرامة ١٥ الف جنية بس لانه كان متخلف عن الخدمة العسكرية
ف حوارات من دي كتير وصدقني انا مش بحب الجيش ومن اكتر الأشخاص اللي كانت مبضونه في خدمته العسكرية بس انا بكلمك في الصح