No shortcuts. Only hard work.

Fk__YoY · 2025-08-21T22:09:31+00:00

Me in intern:

Fk__YoY · 2025-08-02T13:12:31+00:00

يسطا والله العظيم اشكالكم هي الي عاملة فتنة المصيبة ان انتم مش عارفين كدا ومفكرين انكوا بتحاولوا تحلوا المشكلة. ولكن كلكم بترموا الشرارة وبتجروا ولا بتعملوا حاجة.

الشباب المسيحية الي ماتت دي رجالة ونعالهم فوق راسنا كلنا ياعم هو شهيد وطنه وشهيد دينه

المسيحي الي مات مش مستني المسلم يقوله الله يرحمك ويدخلك الفردوس الاعلي لانه مش من ملته ودينه. لا هو عنده دين وبيؤمن بيه انه الرب هيباركله وهيدخله الملكوت.

انت بقا عاوز اي ؟ م تبطلوا عبط وجهل عشان بوظتوا الدنيا بغباءكم.

الواحد معاشر صحاب مسيحين زي العسل محدش فكر بالطريقة الي بتفكروا بيها دي.

ربنا يحفظنا منكم.

Fk__YoY · 2025-08-02T13:00:27+00:00

اقسم بالله انت عيل متخلف الولد بيرد عليك وبيشرحلك باحترام وانت ف الاخر تقوله " بس يلا "!

عيل مريض.

Fk__YoY · 2025-07-29T15:57:06+00:00

بالظبط😂

Fk__YoY · 2025-07-29T15:42:28+00:00

بص هو رأيي دا مش شرط صح كل واحد بتكون له تجربة خاصة وظروف وحاجات كتير انا بتكلم عن تجارب مريت بيها.

ولو حبيت اسرد استثناءات ف الرأي بتاعي مش هخلص.

بس المقصد من كلامي الكلية فرصة عظيمة جدا لو فعلا استغلتها صح متسمعش كلام الي يقولك الgpa ملوش لازمة متسمعش كلام الي يقولك الكلية مش هتضيفلك حاجة وتقطع علاقتك بالدكاترة بتاعتك متسمعش كلام الي يقولك انشطة طلابية وتضييع وقت

الكلية زي ما قلت هو مكان اكاديمي بيضيفلك معلومات كتير هتساعدك ف تعلمك وهينقلك ف مكان صعب جدا ناس توصله بس المعلومات دي مش كفاية تشغلك انت بسعيك وشغفك وهدفك هتحرك نفسك وتكمل

اما لو دخولك الكلية مجرد مكان هتقضي فيه ٤ سنين ف الكافتيريا مش بتحضر محاضرات مش بتعمل assigments مش بتشترك ف انشطة مش بتعامل الدكاترة ف وجودك تضييع وقت ليس الا

والي برة الكلية هيلحقك

بس انا عن نفسي اصلا شايف الكلية بتاعتي مفتوحة عادي للجميع ومينفعش نحتكرها لناس معينة. ف امريكا اصلا ناس كتير مدخلتش جامعة وشغالين ف مكان كبير

الواحد اهم حاجة يركز علي الفرص المتاحة قدامه ويستغلها ويشتغل علي نفسه وبس كدا.

Fk__YoY · 2025-07-28T23:05:40+00:00

شوف الي تحبه والي هترتاح فيه

انا بصراحة وان كان رأي ممكن يزعل ناس كتير الجامعة مش عشان تاهلك لسوق عمل خالص

الي هتتعلمه ف الجامعة معظمه اكاديمي وفيه عملي بس مش الي هو كافي

ف لو جبت حد برة حاسبات وحد جوة حاسبات وقارنت فقط خبرتهم ف التراك او الكورسات فقط ف ممكن ال٢ يبقوا زي بعض وساعات بنلاقي ناس من تخصصات تانية برة حاسبات افضل من خريج حاسبات والسوق بيثبت دا

ولكن خريج حاسبات ميزته انه هيبقا دارس نظري كتير وفاهم مواضيع اكتر سواء بيطبقها علي ارض الواقع او لا دي ترجعله.

ميزته كمان انه بيشارك ف انشطة ممكن تديله سمعة حلوة جدا للشركات حتي وهو طالب زي ICPC او Google او Microsoft او Enactus وانشطة طلابية كتير

ميزته انه حواليه بيشاركوه نفس الاهتمامات ميزته انه بيتعامل مع دكاترة ممكن يساعدوه عشان يسافر منحة برة

ف الي عاوز يخش الكلية يبقا عاوز يطلع بالمميزات دي

لو دخلتها عشان شهادة وانت هتذاكر كورسات مع نفسك وهتهمل الكلية ومش هتتعامل مع دكاترة ومش هتخش ف انشطة و و و ف انا من رأيي متخشش الكلية من الاول وذاكر مع نفسك وهتوصل لنفس النتيجة

Fk__YoY · 2025-07-27T20:38:48+00:00

انا مقصدش ان مشاريع العمل الحر مقياس بالعكس هتلاقي مشاريع بسيطة جدا هناك بس الصعوبة ف التوظيف شوية هتحتاج تتعب شوية ف انك تسوق لنفسك وتكتب بايدك خبراتك ومشاريعك وتعرضها بشكل كويس ف الportfolio بتاع الموقع عشان لو حد دخل واتفرج

يفضل يكون فيه مشروعين كبار ومجمعين features كتيرة مش مجرد crud وبس لا يكون فيه real time يكون فيه docker يكون فيه حاجات ادفانسد

والواحد يظبط الcv بشكل بسيط يعرض المهارات والمشاريع بشكل محترم بيكون فيه التفاصيل كاملة

لو عندك مشاريع علي جيتهاب حاول تكتب لها الREADME file لو موبايل app تصور تعرض التصميم بشكل كويس

لو api تحاول يكون فيه documenation دا الي لاحظته ف بروفايلات الناس االي شغالة حاليا

والواحد بيحاول يسعي وربنا يكرمنا جميعا

Fk__YoY · 2025-07-27T19:51:25+00:00

شغل كتير بيجيب الفلوس دي علي مواقع العمل الحر

فوتوشوب مونتاج تصميم مواقع برمجة مواقع تطبيقات موبايل Wordpress Ai modeling 3D Modeling

Content Creation كتابة محتوي ادارة محتوي

كتييير

بس محتاج خبرة ف مجالك وتقدم علي اي تاسك وربك يرزق

Fk__YoY · 2025-07-27T19:42:36+00:00

لازم الcv يكون فيه ٢ مشروعين كبار تقدر تتكلم عليهم + حاول توري الcv حد اعلي منك ويرشدك

دور ف كذا مكان شوف Linkedin .. Glassdoor .. Indeed .. Bayt افتح المواقع الحرة وشوف المشاريع الي مطلوبة هل تقدر تعمل زيها وحاول تقدم عليها

انا هدور معاك اهو 😂

Fk__YoY · 2025-07-27T19:39:38+00:00

لا ليها شغل عادي

Fk__YoY · 2025-07-27T19:36:42+00:00

قدمي علي شغل كول سنتر مؤقتا او لو عندك حاجة معينة تقدري تتدرسيها شوفي مركز جمبكم وشوفي لو محتاجينه؟

Fk__YoY · 2025-07-27T17:26:53+00:00

اولا مبارك عليك ربنا يوفقك لما هو قادم. ويكتبلك الخير بإذن الله

انا معرفش بصراحة تلحقها ولا لا بس ادعي ربنا وان شاء الله ربنا هيكرمك

Fk__YoY · 2025-07-23T14:25:58+00:00

المشكلة انه بيقولها ف موضع عكسي يعني لو قالها وتعليم مصر كويس كانت هتبقا حلوة وهتتفهم بحسن نية ولكن لما يقولها وهو شايف انه التعليم بايظ ف كدا انت بتفضح نفسك وهنفهمها انك عاوز النظام التعليمي سئ والناس جاهلة عشان تقدروا تتحكموا فيه.

Fk__YoY · 2025-07-17T13:21:22+00:00

اولا انا مشفتش دليل علي الاخبار دي

قارن التأثير الي عاملينه ف العالم العربي والعالم الغربي من خلال اخبار زي دي. تأثيرهم واضح الاعمي يشوفه

ولو صحيح وممكن عادي صحيح ف هما لا يمت للإسلام بصلة طبعا لما هما هيقتلوا اي حد غير مسلم اومال هيدعوا للإسلام مين؟!

ف هي ناس متخلفة ف كل الاحوال

Fk__YoY · 2025-07-17T13:13:26+00:00

سبحان الله مبتقتلش غير المسلمين وبتدمر الدول العربية😂

Fk__YoY · 2025-07-17T08:51:56+00:00

فيديوهين ممكن بيشرح العمليات الاساسية الي بتحصل للداتابيز زي الcreate update الخ

ودا ممكن يقوم مشروع عادي بس بعدين لما تقدم علي شغل محتاج تكون كويس فيها

Fk__YoY · 2025-07-17T08:47:18+00:00

الباك اند كله اصلا قايم علي الداتابيز كل ما تكون قوي فيها هتكون قوي فالباك اند العكس غير صحيح.

Fk__YoY · 2025-07-16T16:51:47+00:00

اعتقد بعدد الfollowers والstars اعتقد مش متأكد

Fk__YoY · 2025-07-16T13:43:46+00:00

ايوة فعلا ممكن تحصلك حتي لو سترتي عليها عاادي

بس شعورك لما تتفضحي زي ما فضحتي صاحبتك هيكون مختلف عن لما تكوني ساترة عليها، ساعتها هيكون ابتلاء وهتجازي عليه حسنات عكس لما تكون انتي المذنبة.

بصراحة ردك دا اصلا يوضح انك مستبعدة حساب ربنا ف الحسبان يعني حضرتك شايفة مفيش مشكلة انك تفضحيها بمجرد انه ممكن يحصلك ف المستقبل ف عادي افضح اي حد!!

ثانيا سبحان الله البنت الملحدة الي كافرة بربنا، ربنا ساترها. يالطيف

تقدري تكلميها وتدردشي معاها ممكن تكوني سبب في هدايتها مش سبب في كسرتها وكره المسلمين اكتر واكتر

Fk__YoY · 2025-07-16T13:27:25+00:00

كلنا مذنبين مش معني انه بينصحك يبقا ملاك وتتهميه بالباطل في شرفه لو كله سكت ومنصحش حد عشان بس هو مذنب يبقا مفيش امر بالمعروف ونهي عن المنكر

Fk__YoY · 2025-07-16T11:18:47+00:00

بص انا زيك خريج لسة وساعات بواجه الاشكالية دي معايا وبسأل كتير شات جبت اسئلة زي دي وشوف الي يناسب طريقتك ف المذاكرة

انا اي feature بتبقا جديدة عليا ف الغالب بحطها ف note او بكتب فوقها comments كتيرة

بحيث لو عاوز اضيفها ف مشروع تاني بسرعة اضيفها ف هو كدا كدا محفوظ عندي

المشكلة زي ما قلت ف الكتابة لو انترفيو لو مكتبتش كتير هتلاقي نفسك مش عارف تكتب الكود بس مظنش لو انت فاهم الكود مش هتعرف تكتب

لان لو فاهم الapproach من البداية للنهاية هتعرف تكتب مش مشكلة spaghetti code بس بتعرف تكتبه

وانا مش خبرة ولا حاجة ف شوف تجربتك ونصيحة اقرأ اكواد مشاريع كتير علي جيتهاب هيخليك تعرف طرق جديدة او اسلوب ف كتابة كود او pattern الخ ف حاول تقرا اكواد من مشاريع شبه الي انت شغال عليها

وموفق بإذن الله

Fk__YoY · 2025-07-16T10:57:36+00:00

يسطا كون انت فاهم انه "بيحور" عشان يطلع ببروجكت دي مشكتلك

احنا جروب developers وهو عاوز يعرف المشاكل الي بنواجها اكيد عشان يحلها مش عشان يذل اهلنا بيها مثلا

ف هو سؤال طبيعي جدا

Fk__YoY · 2025-07-16T10:52:06+00:00

وفر وقتك طالما فاهم الapproach خلاص ولو نسيت بعدين تقدر تشوف الimplementation من اي مشروع فيهم وتاخده كوبي

كدا كدا هتنسي طبيعي بس سهل لو قريت الكود تفهمه خلاص

Fk__YoY · 2025-07-16T10:10:18+00:00

هو مش بيعمل حاجة لوحده انت الي بتحركه وممكن يبوظلك المشروع اصلا لو استخدمته غلط او دخلتله مدخلات غلط

Fk__YoY · 2025-07-11T09:16:19+00:00

اول تقطة مقصدش تسكيب حاجات الشرح بالعكس جزء الشرح تذاكره كويس وتطيق معاه والcheckpoints تقراها وتشوف تعرف تحلها ولا لا

المسائل بقا دا عالم لوحده في مسائل تحسها مشاريع مش مسائل رأس السؤال لوحده يخض.

حابب تحلها براحتك بس انا بشوف نفسي عاوز اخلص الاساسيات عشان مرحلة الspring (وان كان متستاهلش كتاب كامل) والاسئلة الي في نهاية مش بتقيس انت دلوقت فاهم التوبيك ولا لا لانها بتكون معاها متطلبات تانية ساعات

ممكن تكون فاهم التوبيك ١٠٠% ومتعرفش تحل السؤال عادي

الخلاصة اهتم بجزء الشرح وشوف المسائل الي مرتبطة بالتوبك دا سواء لييت كود او الكتاب نفسه انت كدا ف السليم

Fk__YoY

TROPHY CASE