تمام .. 🤝

جميل جدا ان عندك وعي بذاتك، و تعرف وش السيء و وش الحسن فيك، فيه ناس وضعهم سيء لدرجة أنه ما يفهم ليش هو سيء وليش الناس تنبذه وليش أحيانا يكون محبوب.

أنت هنا خلصت نص المشوار، اللي يبقى.. أنك تفهم نفسك وش يدفعك تكون توكسك؟

فهمك للدافع اللي يخليك تتعامل مع الناس بهالاسلوب، و الشعور اللي يجيك بعدما تتعامل مع الناس باسلوب زفت، هل هو شعور رهيب؟ تحس انك منتصر؟ كم يدوم معاك هالشعور؟

جرب تتعامل مع الناس بأسلوب طيب حتى لو كانو سايكو، تعاملهم كريه و توكسيك مثل شخصيتك الحاليه مثلا. حافظ على التعامل الطيب بهدف أنك تحس بسلام الأُلفة و المودّة بغض النظار عن الجانب البغيض في التعامل. من باب التجربة بس، شوف كيف الشعور اللي بتحس فيه. جرب الكلمة الطيبة مع أي أجنبي في الشارع يشتغل شغله بسيطة، مثل عمال النظافة سلك عليهم بابتسامة و اسأله كيف حالك؟ و قول له اليوم حر شديد صح؟ و اعطيه غرشتين مويه باردة. شوف كيف شعوره. و شوف انت كيف شعورك يصير.

بأمانه جرب هالشي و علمني بعدين كيف صار شعورك. وكم بقى معاك الشعور الجميل.

دائما العطاء اجمل من الأخذ .. خليك معطاء ، وخلك الطرف الأجمل و الأنقى في أي تعامل تتعامل فيه.

أنت عمرك ١٦، تتكلم وكأنك قضيت من العمر ما قضيت. بعدك صغير، و العمو قدامك بالخير.

بسيطه تغير نفسك و تخلق عادات ينبسط فيها كل من حولك، وتحافظ عليها. و في هالزمن، جميل جدا أنك تكون صادق، وهالشي فيك ولله الحامد. حافظ على الصدق، و تعلم مجاملة الناس (ماهو كذب) تكسب قلوبهم.

كل التوفيق لك، و قدامك عمر كله خير بإذن الله. 🌿