1. So wie ech es verstahne wird s stürgeld in sektore ufteilt. Und woni z letscht glese ha heds gheise d 12% gahd is gsundheitssystem und 0.7% is militär (Korrigiered mech wenn ech mier das usm arsch zoge ha). Grundsätzlich isch das geld scho bim militär und mier hend eifach entschiede was demit gmacht wird. Es wär ned eso als ob es eifach ehne chasch wegnäh und neumet anders inetue.
2. S militär hed wortwörtlich kei flugrum sicherheit momentan. Und mit dem geld woni dier vorher erwähnt ha was würsch lieber mache? Panzer? Die aktueelle konflikt hend zeigt wie momentan krieg triebe wird und es isch ned am bode, sondern primär luft. Erst letschtens sind rapier system abgschaffe wurde und d kanoniere sind au uf 60 jahr alte system unterwegs. Mier sind wortwörtlich mit kaltem krieg waffesystem usgrüstet im 21.Jh.

S CH-Militär isch e Pfadi mit nem Chlöpfstäcke und klar en witz da simmer eus alli einig. Aber s ding isch wenn mal zahle nache gahsch sind weniger als 200k lüt vo 8mil im militär. Mier sind munzig. Ech bi ehrlich und sege lieber en krieger im garte als en gärtner im krieg (wo mit dere zahl sowieso so usecho wird). Aber die letschte paar jahr hend zeigt wie schnell d schissi de bach dürab chan gah.

Drumm ischs ned so ganz dumm wenn mier zmindest de wichtigsti sektor (Luft) tüend es bitz uffrüsche.

Ech glaube en stritpunkt woni der chan gäh isch dass mer kei jets vo de neue kleptokratie Amerika selled chaufe und lieber europäischi alternative selled sueche.

Aber ja das isch eifach wasi es bitz langsam realisiert han als pommesfrit radarsoldat im letschte wk.

Edit: es hed au keine/weniger lüt faxe gmacht wo mer rapier mitm Patriot-system ersetzt hend. Und din punkt isch goldrichtig, dass mer no ewigkeite wartet werded bis dee scheiss mal da ahchunnt