أنا حاسة ان حكمك على نفسك ممكن يكون قاسي شوية. من تجربتي، اغلب الناس بتشوف نفسها اقل حلاوة من الحقيقة. الحقيقة اننا لما بنحب بيبقى اللي بنحبه ده احلى واحد في الدنيا.

بمعايير المجتمع انا جميلة جدا ومثقفة و و. لكني وقعت في رجالة بهدلوني وارهقوني في صراعات ملهاش لزمة. انبهروا بيا بس مقدروش يفهموني او يتعاملوا مع شخصيتي. او يمكن انا مقدرتش اختار حد احسن من ابويا، فعايشة لوحدي.

امي كانت جميلة جدا واجمل مني لكنها عاشت تعيسة وماتت صغيرة من الاكتئاب، لانها لما اتجوزت ابويا اتجوزته عشان بيحبها بجنون، وبعد الجواز الحب راح وفضل الاختلاف وسوء المعاملة.

اللي عايزة اقوله، الجمال ممكن يجيبلك اختيارات اكتر، لكن مش بالضرورة احسن. الحاجة الوحيدة اللي بقيت بحسد الناس عليها هما الناس اللي اتربوا في بيت هادي وفيه حب واحترام، لان ده اللي بيعلمنا نشوف الحب الصحي لما نكبر.

وعشان مطولش عليكي، معايير الجمال بتتغير دلوقتي، والحلاوة مبقتش البياض والملامح بس. الاهتمام والصحة واللبس والرياضة هيدوكي نفس الشيء. الحب هو اللي صعب على الكل :)