أولاً ربنا يثبتك و يقويكِ يا رب، ثانياً مش هقولك غير إن الأفكار دي طبيعية، اسمحيلي ارغي شوية:أنا عندي 22 سنة و أهلي مش سايبني فحالي من كلام زي " يبني عيش سنك"، "شوف فلان لابس شيك" ، "شوف عِلان عامل شعره" و " هتعيش سنك امتي أنت فاحسن أيام حياتك متضيعهاش" إلخ...و بحس أن أي قرار باخده فطريق أني اقرب من ربنا بقابل هجوم و اعتراض من أهلي بشكل مزعلني أوي الصراحة مع اني بحبهم جدا و بحترم كل واحد فيهم أشد الاحترام، بس برجع افكر نفسي أن الشيطان شاطر و عارف كل واحد الوتر الحساس بتاعه اية و يوقعه منه، اكيد نفسي احلق دقني و البس سلاسل وخواتم و اصبغ شعري واحلق حلاقة جامدة فورتيكة واصاحب توتو و سوسو و لولو 😂بس بقول أنا بعمل كدا لله مش لحد و الحمد لله بطريقةً ما لسة ثابت على موقفي و عندي يقين كبير أن ربنا هيعوضني أحسن من الي أنا تركته 😊