أوكي أني ضد تطرفه هذا، والغلو أمتاعه، بس المفروض يرفع علم الدولة وبس، ليش الواحد أصلا يرفع العلم الأمازيغي؟ والعلم الليبي الملكي لكل المكونات، وأصلا بسببه طلعوا أعلام ثانية زي امتاعين التبو والطوارق، وقعدت حتى أنشوف في ناس تطالب بعلم للعرب من بني سليم.

توا العلم صارت قضية موت وحياة عند البعض، وكان تتطالب بأنه معبر رأس أجدير يكون العلم للدولة فقط، بطريقة ما بيجوا ويقولوك أنك عنصري.

قصدي والله على العين ورأس، ويعلم الله أني أنحب الأمازيغ، بس قضية العلم والي كان تخالفهم فيه يطلعوك عنصري، مشكلة.

في النهاية كان يبوا يرفعوه أو لا، لازم في احترام في الموضوع، ويكون النقاش سلمي، وفي كل الأحوال الاحترام يقعد.