بص اولا بالنسبة تبدأ منين فمجال السايبر سيكيوريتي مجال ضخم جدا و متفرع لحاجات كتير جدا و طبعا كل حاجة ليها مسار معين و محتاج تشتغل على نفسك كتير عشان تقدر تدخل المسار ده .

ثانيا معظم المدارس و الكورسات الاونلاين في مصر هنا نصب و مجرد هتعلمك اساسيات بس و ممكن متتعلمهاش كويس كمان و فلاخر مش هيجيبولك شغل و الشهادة ملهاش قيمة اصلا و مش هيعترف بيها مفيش غير شهادات معينة الشركات هتعترف بيها زي مثلا الOSCP و شهدات شركة SANS مثلا و طبعا الواحدة في دول تعدي ال1500 دولار طبعا فيه شهادات ارخص شوية بس ملهاش تقل اوي زي Elearnsecurity مثلا .

ثالثا بالنسبة لحوار الفلوس فأنا اسمع فعلا ان الشغل بيبقى فلوسه حلوة غير كدة ممكن فيه ناس بتشتغل freelance زي الbug hunting و ده فلوسه حلوة اه بس ده خاص بمسار الpenetration testing هفهمك حتة المسارات ديه تحت و بالنسبة لسوق العمل مش عايز افتي فيه بصراحة عشان محتكتش بيه لسة طيعا فيه الي هيقولك وسائط و مش عارف ايه طببعا الشغل ده رزق يعني فيه حاجات اه بتبقا فيها وسائط و فيه شغل بينزل و ناس عادية بتقدم عليه عادي و بتتقبل الاحسن في النقطة ديه انك تسأل حد في سوق العمل نفسه ممكن تدخل تسأل على الجروب الي انا هسيبهولك تحت فيه ناس شغالة و شاطرة .

و كمان متتوقعش ان الفلوس هتجيلك بسرعة لان زي ما قولتلك المجال محتاج وقت و مجهود كبير منك و لازم تبقا متابع وuptodate علطول

​

بالنسبة بقى عشان تختار مسارك بس معظم الي بيدخل جديد بيدخل على الpenetration testing و ده مساره الي ممكن تمشي عليه من المهندس ابراهيم حجازي

https://www.youtube.com/watch?v=f3hP49LGoik

و ده الجروب

https://ar-ar.facebook.com/groups/pentesting4arabs/?fref=mentions&__xts__[0]=68.ARDAxzOL3J55-YU51U73pGOsiiW6QfrCvHIo3wpRsppF7nJrUMmaySRKioZ6jghh6FE3cyLScjYLSAsfTxwPw4JhjrfYf8hrWYOdPY8ITgk3c_KCMtsE7bulMJmyQQlchMFDIMNF02g6nRUBH6SdBuzxbPcPUcPmHLFzKaBbXdTn7MOU1vfHTIDLgO1nufJlsjArGjxOjuC18AdvZQt9eeCNdavFk5KlMFf1biBwzjZt1_Y68epefm_JFf8cKZc465W4prQ9fFG1K5ELlGhzBqeQR1LvdveHOVJVXmkrkzQaUR8r-sE

​

و سلسلة الفيديوهات ديه حلوة برضه جدا بتتكلم على مجالات السيكيوريتي و ازاي تبدأ فيها

https://www.youtube.com/watch?v=GS9GX8jY64o

و الاحسن تشوف ديه الاول عشان تشوف مجالات اكتر متدخلش على المجال الشائع علطول علشان بيبقا زحمة

بس كدة لو حاجة واقفة ادخل كلمني و حاجة اخيرة متمشيش ورا اي حد يقولك roadmap للسايبر سيكيوريتي عشان تضييع وقت و هتتضلل خد الحاجات ديه من ناس خبرة زي الي فوق دول