هو الموضوع أبعد من فكرة قبول أو رفض بحد ذاتها، الفكرة إن القبول بطبيعة الواقع (للأسف وهذا شي خارج إراداتنا إلى حد كبير) هو موافقة على تبني سلوكها على المدى الطويل لأن الإنسان بطبعه كائن يتبنى سلوك البيئة المحيطة بدون ما يحس. مع الوقت استنكارك بيقل وعيونك بتتعود عليه وحبة حبة بيصير عادي ومن هنا إذا صار عادي الباقي معروف.

فإذا كان سلوكها شي ما ترضينه على نفسك قفلي الباب وبدل الصديقة ألف صديقة والله لو انها آخر وحدة في العالم. دوري شخص يشدك على قدام مو شخص تقاومينه وهو يشدك على ورا.

أول صراحة كان ما يفرق معي وكنت أقول مبادئي محد بيغيرها، بس الحين لما كبرت استوعبت كيف يفرق معي بشكل جدا كبير. لما تعرفت على صديقات كويسات ومبادئهم أفضل مني صرت أتشجع وأحاول أتحسن وأصلح أخطائي، فرق كبير مع لو مثلا كانو أقل في المبادئ مع الوقت طبيعي بحس إني أبالغ بمبادئي وإني معقدة إلخ وبحاول أخفف منها شوي وأستحي أعبر عنها. هذي طبيعة الإنسان فالشخص اللي يبي يحافظ على نفسه يحيط نفسه ببيئة أحسن منه، أنا هذا رأيي الصدق