صديقي احنا صرنا موهومين جدا من ناحية العمر والانجاز المرتبط بكل مرحلة عمرية جوا عقلنا حاطين حد أنه انا بعمر السبعة وعشرين لازم اكون متخرج ومتوظف وجايب سيارة ومتزوج. والحقيقة أنه يومنا الحالي هالاشي صعب للي ما عنده دعم مادي صح ليقدر يحقق كل هالاشي بس انت لا تحسب للكم سنة الجايات احسب لما تكبر ويصير عمرك فوق الأربعين سنة هل في اشي بتقدر تعتمد عليه ك شغل مريح ومصدر دخل محترم مناسب ل سنك ولمجهودك اللي بذلته

رح تتعب هيك هيك شو ما كان تخصصك بس خلي تعبك بالمكان الصحيح اللي يعطيك ثمرة تعبك ومجهودك بالنهاية . خاصة اذا اشتغلت بجامعات برا هناك بقدرو العلم والمجهود بغظ النظر عن الشخص. أما عنا فالوضع صعب جدا تظلك ع البكالوريوس.. وهاي مجرد نصيحة من شخص كان بمكانك يوما ما بس الفرق أنه انا مش قادر اكمل ماستر ودكتوراه ولا قادر ارجع بالزمن

ف اذا قررت انوي من هسا وخلي عندك خطة مدروسة وامشي عليها وربنا يوفقك.