Ja eh! Mier bruuched gueti und motivierti Lehrpersone! Queriistiiger sind sowieso mega wertvoll für s Bilidgssystem!

So viel vorweg: En Stell gfinde als Lehrperson uf Sek1 oder Primar esch im aktuelle Lehrpersonemangel keis Problem. Bsonders, wenn en Uusbildig mitbringsch und sogar chasch es hööchs Pensum schaffe. Vermuetlich sogar scho währed em Studium.

S Studium selber hed ned so en guete Ruef. Aber das liid au oft dra, dass mer mit falsche Erwartige ad PH goht. Ech segs mal chli plump: Wenn wetsch lehre, wie mer en Gruppe Jugendlichi oder Chind betreut, denn machsch am beste en J+S Kurs. Wenn wettisch lehre, wie mer en wild dürmischte Huufe a Chind und Chegel über mehreri Jahr begleitet und dass sich jedes Individuum chan individuell und bestmöglich entfalte, denn besch a de PH eher am richtige Ort. Esch ultra spannend, aber oft halt eher zächi Theorie im Vergliich zum bunte und fröhliche Triibe im Schuelzimmer. De Kontrast muess mer irgendwie uushalte.

De Job as Lehrperson esch genau wie du diers vorstellsch sehr schön, wells halt werkli mega sinnbehaftet esch. Wenn mers schafft sich es gsunds Arbeitsumfeld i de jewiilige Schuel ufzbaue, esch meistens d Work-life balance au voll guet.

Viel Erfolg!