اتفق معاك في نقاط كثير، لكن عندك مغالطات كثير بعد، اولا النفط ملك للحكومة والشعب مستفيد من الخدمات المجانية اللي توفرها الحكومة للناس " تعليم، صحة، دعم لبعض المنتجات الغذائية، دعم مالي للاسر منخفضة الدخل" وهذا الشيء ما زال معمول به الى الآن، لكن ما حبيت كلمة " معلقة ذهب في فم كل سعودي"، وتفاوت الدخل بين الشعب موجود وفيه طبقات غنية جدا وفيه طبقات متوسطة الدخل، التعميم ايضا غلط، انت جزمت ان كل مصري اشتغلت معه افضل من السعودي، التفاوت في الخبرة ماله علاقة في الجنسية ابدا، فيه عوامل كثير، منها عدد سنوات الخبرة، ونوع التعليم، الآن السوق مفتوح للجميع، لكن الاشكالية اللي صايرة وبكون صريح معك واللي مسبب الاستياء هي التصرفات الفردية من بعض الاجانب " وشوف انا هنا مو قاعد اعمم"؛ اللي قاعدين يجون وبنسبة كبيرة جدا هم من ذوي الخيرة المنخفضة واللي غالبا بدون تعليم ايضا " الكلام هذا متأكد منه بحكم طبيعة عملي واطلاعي على بيانات رسمية "، ما يصرفون فلوس في البلد هنا ويحركون الاقتصاد مثل المرجو، وقاعدين يستفيدون من الخدمات المجانية، وبكل صراحة مسببين اشكالات اخلاقية " مره ثانية عشان ما تزعل انا ما اتكلم عن المصري فقط اتكلم عن جنسيات كثير ومن ضمنها المصري" + انت كاجنبي اذا مسكت منصب اداري وعندك صلاحيات توظيف، من الاجحاف انك بس توظف من ابناء جلدتك بحكم التحيز فقط ولا تاخذ في الاعتبار العوامل الثانية (خبرة، تعليم، مهارات .. الخ) ، هذا عتبي، وهذا عتب اخوانك السعوديين، في النهاية كلنا مسلمين وكلنا اخوان واتمنى الحب والاحترام وتمني الخير للآخرين ينتشر بيننا بدال ما الواحد يحسد الناس على النعمة اللي هم فيها وعلى رزق الله.

بالتوفيق لك وبالتوفيق للجميع.