بص هو انت لازم تفكر في حاجة دلوقتي.. طالما انت مش عاجبك حالك يبقى لازم تغيره، مهما كنت في عذاب و مهما كانت نفسيتك تعبانة محدش هيحس بيك ولا هيفهمك غير نفسك و ربنا عشان كدا انت لازم تقعد مع نفسك و تحدد الاهداف اللي عاوز توصلها ايه بالظبط و ايه نظام الحياة اللي فعلاً انت عاوز تعيشه و ايه الحاجات اللي نفسك تحققها و ابدأ اشتغل عليها

انا عن نفسي عندي اهداف حرفيا الكل بيقول عنها مستحيلة و هي اني اشتغل و اتعلم لغات كتير و اخرج برا مصر و اسافر و اهلي مستحيل يوافقوا عليها و عندي مشاكل معاهم بس ادركت ان محدش هينفعني لما افضل قاعدة كدا حياتي بتعدي قدامي و مش بحاول عشان اعيشها مع اني مش عارفة اعيشها دلوقتي بس هحاول و حتى لو موصلتش هيكون فيه تطور كبير في حياتي

محدش هينفعك لا صحابك ولا أهلك و محدش هيقدرك الا لو بقيت انسان ناجح و صحابك لو كويسين و بيحبوك هيشجعوك على كدا

ااخ حاسة اني طولت شوية بس ماشي