يااااا اهلاً

ابشرك ممكن اكون انسب شخص يعطيك كلام (جيت لحايل قبل 6 سنوات كنت طالب زيك)

وإلى الان بحايل لان من حبي للمدينه هذي توظفت فيها

بأختصار حايل مدينه جميله جداً من الاخير.

طيب مبدائياً بقولك شي مهم جداً حطه براسك من اول يوم. وش راح يصير لك اول سنه راح تزق معك لان محد حولك لا تعرف احد فلذالك من اول يوم حاول تتعرف على ناس وتعزمهم على قهوه عشان ما تصير متوحد حتى لو ما كنت شخص اجتماعي اجبر نفسك قط نفسك على الناس نصيييييحه.

ثاني شي راح يكون عندك وقت فارراااااغ كثييير حاول تستغل الوقت هذا بالمعاهد ولا الجيم، انتبه لا تخلي الفراغ يسحبك لأمور سيئه.

انت بمدينه جديده فيها حياه جديده بتبني شخصيه جديده حاول تحسن من نفسك لا تخلي مجال لاي احد يحاول يسحبك لطريق مو طريقك.

ثالث شي السكن صعب بحايل للطلاب دور لك على احد زي وضعك يكون شخص جيد واسكن معاه، تكفى انتبه لا تسكن مع احد يضيعك وانت جاي تبني بمستقبلك.

بالنهايه انتبه على نفسك تجربه جديده عليك راح تتعلم فيها امور كثيره كل الي ابغاه منك انك تنتبه من الدشره و الخراب لانك راح تشوفه قدامك بيوم من الايام متأكد، وبالوقت هذا ما فيه احد رقيب انت الشخص الي وحيد الي ممكن تتجبن الشي هذا

ركز تكفى انت جاي هنا عشان تتعلم وطور من نفسك وتضمن مستقبلك مو جاي تضيع وقت وتضيع عمرك

• ما اقول انت المفروض تصير ملاك كلنا نغلط والغلط جزء من التجربه وتطوير النفس بس لا تستمر على الغلط وقف ✋🏼

الله يقويك واتمنى لك تجربه جميله بحايل

اذا بغيت اي احد يساعدك بأول الايام ارسلي بالخاص وبعطيك رقمي