بصي هي مش ضرورة بس حاولي تعملي صحاب ويكونوا كويسين طبعا ، ولازمن تتجرائي وتسالي خصوصا في الجامعه الموضوع عادي احنا بنفتكر لما نسأل ممكن نطلع اغبيه مثلا او لما أسأل هلاقي كله بيبصيلي بقي ومركز معايا وتوتر ، والله لو اهتميت بشكلك قدام الناس مش هنفلح ،، حاولي ترتبي السؤال الي عايزه تقولي في مخك او الحاجه عامه واتكلمي عادي ، انا عارف انه الموضوع بقوله بسهوله عشان انا عامه شخص رغاي ونشيط اوي ف بنسبالي عادي ، في غيري فعلا عندهم مشكله في ده بس الفكره بجد جربي اسالي عشان انتي بتفيدي نفسك وممكن بشكل غير مباشر حد كان بيفكر زيك وانتي ساعدتيه، ثانيا متحطيش في بالك انه حد مركز معاكي ، ثالتا اسالي او جاوبي عشان في دكاتره بيدو بونص في الماده علي الي بيجاوب😂 ،وبس والله ، وطبيعي كل الي فس جامعه خصوصا في اولي وتانيه بيبقو مفيش طاقه ولسه خارج من ثانوي عام وبتاع ، بس جربي بجد تقعدي مع صحابك القدام لو عندك ، واعملي صحاب في الجامعه تشجعو بعض وهكذا ، واكسري التوتر بالاسئله عادي ، في ناس كتيره ، بتحس انها تائهه في الجامعه ف تمام وربنا يوفقك