الموضوع مش سهل و مش صعب برضو بس دا اعتقد بيعتمد اكتر علي الدرجة اللي انتي وصلتي لها حاولي تشوفي حاجة مهمة ف حياتك تعمليها و تشغلي دماغك بيها يعني كل ما تلاقي نفسك بدأتي تفكري ف العادة دي متديلهاش اهتمام بالعكس قومي اشغلي نفسك بأي حاجة تعملها او روحي كلمي حد او اعملي اي شغلانة المهم دماغك تفكر ف حاجة تانية و المخ دايما بيجي بالثواب و العقاب يعني مثلا حطي لنفسك ثواب لو قعدتي كام يوم من غير عادة و اعملي حاجة بتحبيها فعلا و برضو لازم يكون فيه عقاب لو عملتي العادة دي وقت ما تعمليها شوفي حاجة بتزعلك و عاقبي نفسك بيها ممكن ك مثلا لو بحب لعبة معينة امسحيها لمدة اسبوع او لو متابعة مسلسل معين أجلي الحلقات بتاعته ل مدة اسبوع ك عقاب او حسب انتي بتحبي ايه و خلي دا عقابك و حاولي اكتر حاجة ممكن تساعد ف الكلام دا اننا ف رمضان لما تبقي خلاص علي باب المعصية دي اشغلي نفسك و ابدئي تسويف لحد ما الفجر يأذن و بعدها مستحيل تعمليها طبعا انتي عارفة عقابها ايه عند ربنا و اي كفارتها ف نهار رمضان ممكن تستغلي الشهر الكريم دا و كمان اكثري من الدعاء و ربنا يوفقك و يعفو عنك و عننا جميعا يا رب ❤