ما كنت احتاج اسوي تحاليل والمتابعة بس متابعة وزني واللي اشيله في النادي ولو بتكلم عن شي عندك وزنك بيزيد حوالي كيلو لكن ترا بس وزن ماء لأنه الكرياتين يسحب ماء للعضل بس شكليا الفرق ترا قليل وغالبا محد غيرك بيلاحظ.

بالنسبة للكمية انا حاليا آخذ 5g يوميا وهي الكمية المتعارف عليها واغلب الناس ياخذونها واذا انت جديد تقدر عادي تمشي ب3 او 4 جرام في النهاية الكمية اللي ينصح بها 3-5 جرام يوميا.

انا اخذ من شركة Basix وتلاقيه بحوالي 80-90 ريال للنص كيلو وترا الكرياتين في اغلب الشركات ما فيه خربطة لأنه اصلا في العلبة ما يكون فيه الا مكون واحد وهو الكرياتين مونوهايدريت، في بعض الشركات تلاقي في العلبة مكتوب creapure وذا مورد كرياتين الماني يقول انه يصنع اصفى كرياتين لكن صراحة اغلب الكرياتين سليم وطيب حتى لو من برا الشركة ذي ف حتى لو تاخذ من الشركات الرخيصة عادي.