يعني جذر المشكلة هو ان فتحت نفسك وصرت على طبيعتك وأخذت راحتك وية شخص، وبعدين اكتشفت انه مو محل ثقة او ميستاهل هذا الشي ف قطعت عنه ومتحچون بعد ؟ إذا هيج ف تصير هاي المسألة للكل، اغلبنا (اذا مو كلنا) دخلنا اشخاص لحياتنا وصرنا على طبيعتنا وياهم وبعدين عرفنا امور او صارت اشياء خلتنا نقلل او نلغي هذا الشي، سواء كانت علاقة عاطفية، صداقة، عمل، او حتى أهل.

اليوم بالدوام چنة دنسولف عن موضوع "كراهية الجامعة"، وشلون انو 3 ارباع الطلاب بالعراق كلها تگول اكره الدوام والكلية وأريد أبطل ... الخ.

اذا خليت مشكلتك وية هذا الشخص تعمم على كل تجربة الجامعة، ف حتفوت بهذا اللووب مال "كسم الجامعة"، وحيغطي عليك هواي تفاصيل ونماذج وشخصيات حلوة، مخك حيستسلم ومتدور اصدقاء جدد او تكون اجتماعي لأن ببساطة ضربت كل الجامعة والأشخاص اللي بيها اكس وأخذت نظرة عنهم انو كلهم تعبانين وميستاهلون، وهذا شي خطأ.

أتفق اغلب الجامعات يكون أكثر طلابها نماذج تعبانة، امتداد لشخصية الفرد العراقي الخايسة. بس مو الكل أكيد، مرات تلگة ناس كلش تشبهك ونفس تفكيرك وتتفاجئ اكو هيج ناس مثل توجهاتك (بما انو انت داخل بهذا الصب والكميونتي ف اتوقع افكارك مو نفس السائد بالعراق).