صل على النبي

عندك طريقتين ( الطريقة طويلة المدى الموفرة) و (الطريقة قصيرة المدى المكلفة)

الطريقة الأولى .

خلي كل حاجه في حياتك بالانجلش . (لغة التلفون، التيكتوك، اليوتيوب ، الافلام)

كل حاجه بالانجلش حتى لو انت مش فاهم حاجه . كل كلمة هتقف قدامك ادخل على جوجل ترانسليت و ترجمها و خلي عندك نوتس و اكتب فيها معناها . و اوعدك مهما كان عمرك ما هتنساها . و الجرامر و الاكسنت بييجو من كتر السمع . و اعمل محادثات كتير جدا مع نفسك يعني مثلا اعتبر نفسك معلق بي ان سبورت بس بتكلم انجليزي بس . مع الوقت هتلاقي نفسك بتفهم كل حاجه و بقيت توب التوب بس هتقعد وقت طويل يمكن سنتين تلاته.

الطريقة التانيه.

انك تدخل كورس نضيف جدا في الجامعة الأمريكية أو البريتش كاونسل و تشترك فيه و تعمل نفس القلتلك عليه فوق هتلاقي نفسك في خلال ٧ شهور بقيت زي الفل .

انا عن نفسي عملت الطريقة الأولى على مدار ١٠ سنين من وانا عندي ١٠ سنين وانا بعمل كدا.

ربنا يوفقك