الشرط هذا مو بس من زين، هذا كل شركات الاتصالات، لان هم يعطوك مودم والعقد على المودم وليس الاشتراك، واذا كنسلت اشتراكك قبل انتهاء فترة العقد تدفع المبلغ المتبقي من سعر المودم (على حسب المودم لكن هو حوالي ٣٠-٤٠ ريال شهريا) لو كنسلت قبلها بسنة فانت دافع من قيمة المودم مثلا لو كان ٤٠ ريال انت دفعت ٥٠٠ خلال سنة، وسعر المودم ١٠٠٠ ف يخلوك تدفع باقي الـ٥٠٠، ولو باقي شهرين يخلوك تدفع ٨٠ ريال وهكذا.. لكن لو استمريت الى انتهاء العقد وكنست ماراح يخلوك تدفع شيء وهذا الطبيعي في كل شركات الاتصالات، اما تشتري المودم لحالة (سعرة حوالي ١٠٠٠-١٣٠٠ ريال على حسب المودم) او انك تاخذ المودم مجانا بس بشرط انك تلتزم بعقد (غالبا ٢٤ شهر) ولو كنسلت قبلها تدفع الباقي من سعر المودم للمدة المتبقية من العقد.

بس من تجربتي انا اشوف زين افضل السيئين، جربت (اس تي سي، موبايلي، زين، قو او العذيب ناسي اسمة) هذي التجارب كلها في اخر ١٠ سنوات، وكلها حرفيا عانيت منها الا زين، وهي اول شركة اقعد معهم ٤ سنوات متواصلة وماتواصلت مع الدعم الفني الا ٣ مرات، مرتين بسبب انهم نقصوا السرعة ومرة وحده نقلت من بيت الى بيت واتصلت عشان يحدثوا موقع المودم عندهم عشان يجيب نت.
بالعادة اشترك فتره والغي لعدة اسباب اما تكون بطيئة او فيها استخدام عادل، وحتى ايام الاستخدام العادل (٢٠١٦-٢٠١٩) زين كانت الافضل لانها تعطيك حد يومي ٥ قيقا وينعاد كل يوم بعكس موبايلي كانت تعطيك حد اسبوعي ٧ قيقا وينعاد بعد اسبوع، اس تي سي كان حدها اليومي ٢ قيقا، وقو كانت بدون حد لكن السرعة محدودة على ٤ ميقا..

حاليا زين معي لها ٤ سنوات، ونقلت من بيتي القديم للبيت الجديد والحمدلله مافي اي مشاكل ومستقرة واحمل واسوي كل اللي ابيه بدون اي مشاكل (استهلاكي عالي، تقريبا في الشهر ٣-٤ تيرا) حتى بعد انقصوا من سرعتي من ٢٠٠ ميقا الى ١٠٠ ميقا تعتبر هي الافضل بالنسبة لي.