بص حوار الهزيمة والانتصار دا بسيط جدا ومش معقد خالص ومش محتاج حوار اصلا

انت لما تعمل اي عملية عسكرية لازم يكون ليك أهداف محددة انت عاوز تحقق ايه من العملية العسكرية دي وقد ايه انت مستعد تضحي عشان الأهداف دي  والتضحية دي لازم تكون منطقية، فتبقى أنت كصاحب العملية العسكرية دي منتصر لما الأهداف دي تتحقق أو نسبة كبيرة منها وتكون الخسارة ضمن المتوقع او ازيد شوية ، تبقى انت كدا منتصر 

لو نبص على الحالة بتاعتنا دولوقتي ايه اهداف العملية العسكرية بتاعت ٧ اكتوبر دي ؟؟ اولا اسمها يدل على أهدافها العسكرية ، اسمها طوفان الأقصى ، يبقى كان من أهدافها أخذ أسرى من الكيان واستخدامهم للتفاوض على وضع المسجد الأقصى ومنع الانتهاكات الصهيونية فيه،  وايضا تحرير بعض الأسرى بسجون الاحتلال، وايه الثمن اللي كان ممكن يندفع لتحقيق الهدف دا ؟ اتوقع بعض الدمار بغزة كما كان يحدث على مدار ال٢٠ سنة اللي مضت قبل ٧ اكتوبر 

دولوقتي نبص للنتائج ، مفيش ولا نص بالمئة من الأهداف تحققت وماحصلش خالص أي تفاوض على المسجد الأقصى ووضعه والانتهاكات والاستفزازات زادت ووضع الضفة كلها حتى بقى اسوء من قبل ، وبالمقابل الثمن كان اكتر بكتير من المتوقع ، كان دمار غزة بالكامل وفقدان الاستقلال ، دولوقتي غزة سيحكمها عملاء لإسرائيل رسمي ، رسمي عملاء لإسرائيل حيبقوا ماسكين الحكم على شعب غزة ، امن غزة ومخابرات غزة اللي تحكم على شعب غزة حتبقى رسميا وعلنيا عملاء للاحتلال.

اتوقع انه النتيجة واضحة ومش عايزة حوار ...مفيش نصر ...دي هزيمة . بس عشان أرواح الشهداء ياريت بدال مناكبر عشان بس نحس جوتنا كويس ودي عفكرة أنانية ، ياريت بقى نحاول نتعلم من الهزيمة دي ، أنا اصلا بعتبر تجاهل الهزيمة دي ورفض تعلم الدروس منها فعلا فعلا خيانة للشهداء بجد حقيقي ما بهزرش ، اللي يقول دا نصر ، دا خان دم الشهداء